କୋକସରା, ୨୯।୦୧ – ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ବିଗୁଲ ବାଜି ସାରିଛି। ଦଳୀୟ ପ୍ରାର୍ଥୀ ଙ୍କୁ ବିଜୟୀ କରିବା ପାଇଁ ଛାମୁଆ ନେତା ଭୋଟର ଙ୍କ ଦୁଆର ମୁହଁରେ ମନେଇବା ରେ ବ୍ୟସ୍ତ, ଯେତେ ରାଗ, ଅଭିମାନ, ଅଭିଯୋଗ ଥିଲେ ମଧ୍ୟ ଆଗକୁ ନିର୍ଭର ପ୍ରତିଶୃତି ରେ ପୁଣି ଭରଷା ଦେଇ ପଞ୍ଚାୟତ ବୈତରଣୀ ପାର ହେବାକୁ ଜୋରଦାର କସରତ ଆରମ୍ଭ ହୋଇଛି। ଶନିବାର କୋକସରା ବ୍ଲକ ଯୋନ ୨ ପାଇଁ ବିଜେଡି ପ୍ରାର୍ଥୀ ତ୍ରିନାଥ ବାଗ ଙ୍କ ପାଇଁ ଧର୍ମଗଡ ବିଧାୟକ ମୌଷଧି ବାଗ ଲଡୁଗାଁ ପଞ୍ଚାୟତ ରେ ପହଞ୍ଚି ଘର ଘର ବୁଲି ଦଳୀୟ ପ୍ରାର୍ଥୀ ଙ୍କ ପାଇଁ ଜନସାଧାରଣ ଙ୍କୁ ଭେଟି ଭୋଟ ଦେବାପାଇଁ ଅନୁରୋଧ କରୁଥିବା ଦେଖିବାକୁ ମିଳିଛି। ବିଧାୟକ ଙ୍କ ସହ ପଙ୍କଜମୁଖ ଚୌଧୁରୀ, ଧନସିଂ ବାଗ ଓ ଅନ୍ୟ ଦଳୀୟ କର୍ମୀ ମାନେ ଉପସ୍ଥିତ ରହି ଜିଲ୍ଲା ପରିଷଦ ପ୍ରାର୍ଥୀ ଙ୍କ ପାଇଁ ଭୋଟ ମାଗିଛନ୍ତି ।
