ବାଲେଶ୍ଵର,୧୦/୦୧/୨୩- ବାଲେଶ୍ଵର ଜିଲ୍ଲା କୁପାରୀ ସ୍ଥିତ ବାବା କପିଳ ମୁନିଙ୍କ ମକରମେଳା ନିମନ୍ତେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ମେଳା କମିଟିର ସମ୍ପାଦକ ଜୟନ୍ତ କୁମାର ରାଉତଙ୍କ ସଭାପତିତ୍ବରେ ଅନୁଷ୍ଠିତ ସମ୍ମିଳନୀରେ ବ୍ଲକ ଓ ଜିଲ୍ଲା ସ୍ତରୀୟ ସାମ୍ବାଦିକ ମାନେ ଯୋଗ ଦେଇଥିଲେ । ଆଗାମୀ ତା ୧୪/୦୧/୨୩ ରିଖ ଶନିବାର ଘଟୋତ୍ତୋଳନ ଓ ନବଦିନ ବ୍ଯାପୀ ପ୍ରସାଦ ସେବନ, ତା ୧୫/୦୧/୨୩ ଓ ତା ୧୬/୦୧/୨୩ ରିଖ ୨ଦିନଧରି ସାଂସ୍କୃତିକ କାର୍ଯ୍ୟକ୍ରମ ଓ ନୃତ୍ୟ ପରିବେଷଣ, ତା ୧୭/୦୧/୨୩ ଓ ତା ୧୮/୦୧/୨୩ ରିଖ ୨ ଦିନଧରି ସାଂସ୍କୃତିକ କାର୍ଯ୍ୟକ୍ରମ ଓ ପାଲା ପରିବେଷଣ ଏବଂ ତା ୧୯/୦୧/୨୩ ରିଖରେ ଗୀତାଯଜ୍ଞ ଅନୁଷ୍ଠିତ ହେବ ।
ତା ୨୦/୦୧/୨୩ ରିଖ ଶୁକ୍ରବାର ଠାରୁ ତା ୨୨/୦୧/୨୩ ରିଖ ରବିବାର ପର୍ଯ୍ୟନ୍ତ ଦୈନିକ ସଂଧ୍ଯା ୬ ଘଟିକା ଠାରୁ ମକରମେଳା ଉପଲକ୍ଷେ ମକରମେଳା ମହୋତ୍ସବ ଅନୁଷ୍ଠିତ ହେବ । ପୂର୍ବ ବର୍ଷପରି ଏବର୍ଷ ମଧ୍ୟ ଭିନ୍ନ ଧରଣର ଓ ବହୁ ଆଡମ୍ବର ସହକାରେ ପାଳନ କରାଯିବ, ଓଡିଶା ସାଂସ୍କୃତିକ ବିଭାଗ ତରଫରୁ ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ଉନ୍ନତ ଧରଣର ମେଲୋଡି ପାର୍ଟି ଯୋଗାଇ ଦେବେ ବୋଲି ସମ୍ପାଦକ ଶ୍ରୀ ରାଉତ ସାମ୍ବାଦିକ ମାନଙ୍କୁ ଅବଗତ କରାଇଥିଲେ । ଗଣତନ୍ତ୍ରର ୪ର୍ଥ ସ୍ତମ୍ଭ ହେଉଛନ୍ତି ଗଣମାଧ୍ୟମ ପ୍ରତିନିଧି । ସାମ୍ବାଦିକ ମାନେ ଚାହିଁଲେ ଏହାର ପ୍ରଚାର ପ୍ରସାର ହୋଇପାରିବ, ଏହି ପରିପ୍ରେକ୍ଷୀରେ ଉପସ୍ଥିତ ସମସ୍ତ ସାମ୍ବାଦିକ ମାନଙ୍କୁ ମକରମେଳା ନିଉଜ୍ ପ୍ରକାଶ ସହିତ ତା ୧୪/୦୧/୨୩ ରୁ ତା ୨୨/୦୧/୨୩ ରିଖ ରବିବାର ପର୍ଯ୍ୟନ୍ତ ପୂର୍ଣ୍ଣ ସହଯୋଗ ପାଇଁ ସାମ୍ବାଦିକ ମାନଙ୍କ ସହଯୋଗ ଲୋଡିଥିଲେ । ଏଥିରେ ପୂର୍ଣ୍ଣ ମତାମତ ପ୍ରଦାନ କରିଥିଲେ ସାମ୍ବାଦିକ ବନ୍ଧୁ ମାନେ । ଏହି ଅବସରରେ ସାମ୍ବାଦିକ ମାନଙ୍କ ତରଫରୁ ପଚରା ଯାଇଥିବା ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ ସମ୍ପାଦକ ଶ୍ରୀ ରାଉତ । ଏଥିରେ ମେଳାକମିଟିର ମେମ୍ବର ସୁଦର୍ଶନ ମହାପାତ୍ର, ସୁରେନ୍ଦ୍ର ମାଝୀ, ରତ୍ନାକର ସେଣ୍ଡ, ଭଗବାନ ସାହୁ ଓ ବୀରଭଦ୍ର ଜେନା ଜେନା ପ୍ରମୁଖ ଉପସ୍ଥିତ ଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
