ଢେ଼ଙ୍କାନାଳ(ମ ସୀ ହା)୨୧/୦୧_ଢେଙ୍କାନାଳ ବନଖଣ୍ଡ ଅଧିନ ମେରାମଣ୍ଡଳି ସେକ୍ସନ ଅଧିନ ସୁରଭି ସ୍ଥିତ ପ୍ରାଥମିକ ବିଦ୍ୟାଳୟରୁ ବଣୁଆ ହାତୀପଲ ଛାତ୍ରଛାତ୍ରୀଙ୍କ ମଧ୍ୟାହ୍ନ ଭୋଜନ ପାଇଁ ଆସିଥିବା ଚାଉଳକୁ କବାଟ ଓ ଝରକା ଭାଙ୍ଗି ଲୁଟି ନେଇଥିବା ଜଣାପଡିଛି । ୧୦ ଟିକିଆ ହାତୀପଲ ବିଦ୍ୟାଳୟର ପାଚେରୀ, ମୁଖ୍ୟ ଫାଟକ, ଷ୍ଟୋରରୁମ ଲୁହା ଝରକା ଓ ରୋଷେଇ ଘରର ଲୁହା କବାଟ ଭାଙ୍ଗି ଦୁଇ ବସ୍ତା ଚାଉଳ ଉଠାଇ ନେଇ ଖାଇ ଦେଇଥିଲେ ।
ଖବରପାଇ, ବନ ବିଭାଗ କର୍ମଚାରୀ ଓ ହାତୀସ୍କ୍ୱାର୍ଡ ପହଞ୍ଚି ବାଣ ଫୁଟାଇ ହାତୀପଲଙ୍କୁ ଘଉଡାଇବାରୁ ହାତୀପଲ ବ୍ରାହ୍ମଣୀ ନଦୀ ପାର ହୋଇ ପରଜଙ୍ଗ ଅଞ୍ଚଳକୁ ପଳାଇ ଯାଇଥିଲେ । ତେବେ ସନ୍ଧ୍ୟାରେ ହାତୀପଲ ପୁଣି ବ୍ରାହ୍ମଣୀ ନଦୀ ପାର ହୋଇ ସୁରଭି ଗାଁ ଅଭିମୁଖେ ଆସିଥିବା ବନ ବିଭାଗ ପକ୍ଷରୁ ସୂଚନା ମିଳିଛି l ଫଳରେ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି ।
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ରିପୋର୍ଟ୍