ରାଉରକେଲା/ ସହରର ଅଗ୍ରଣୀ ସାହିତ୍ୟନୁଷ୍ଠାନ ବାସନ୍ତୀ ପାଠାଗାରର ୩୭ତମ ବାର୍ଷିକୋତ୍ସବ ପାଠାଗାର ପରିସରରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର କାର୍ଯ୍ୟକାରୀ ସଭାପତି ବିଭୁଦତ୍ତ ବେହେରା ଙ୍କ ସଭାପତିତ୍ବ, ସାଧାରଣ ସଂପାଦକ ବିକ୍ରମଚନ୍ଦ୍ର ଆଚାର୍ଯ୍ୟଙ୍କ ଆବାହକତ୍ବ ଓ ନିରୁପମା ପତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଛେଣ୍ଡ ସ୍ଥିତ ଚିନ୍ମୟ ଇଂରାଜୀ ମାଧ୍ୟମ ବିଦ୍ୟାଳୟର ଅଧ୍ୟକ୍ଷା ଶର୍ମିଷ୍ଠା କବିଶତପଥୀ ଓ ସମ୍ମାନିତ ବକ୍ତା ଭାବେ ମ୍ୟୁନିସିପାଲ ମହାବିଦ୍ୟାଳୟର ଉଦ୍ଭିଦ ବିଜ୍ଞାନ ର ବିଭାଗୀୟ ମୁଖ୍ୟ ଡଃ ସନାତନ ପ୍ରଧାନପ୍ରମୁଖ ଯୋଗଦେଇଥିଲେ। ଏହି ଅବସରରେ ମୁଖ୍ୟଅତିଥି ଶ୍ରୀମତୀ କବିଶତପଥୀ ତାଙ୍କ ବକ୍ତବ୍ଯ ରେ କହିଲେ ଯେ ହଂସ, ବୀଣା ଓ ପୁସ୍ତକ ହେଉଛି ଜ୍ଞାନ,ଧ୍ୟାନ ଓ ଧୈର୍ଯ୍ୟର ପ୍ରତୀକ । ତେଣୁ ମା ବାଗଦେବୀ ସମସ୍ତଙ୍କ ଆରଧ୍ୟା ଦେବୀ। ଏହାସହ ଜୀବନର ମୂଲ୍ୟବୋଧ ଓ ଆଧ୍ୟାତ୍ମିକ ପଥରେ ଗଲେ କିପରି ସୁନାଗରିକ ହୋଇପାରିବ ସେ ସଂପର୍କରେ ଆଲୋଚନା କରିଥିଲେ । ସମ୍ମାନିତ ବକ୍ତା ଡଃ ପ୍ରଧାନ ଭାରତୀୟ ସଂସ୍କୃତି ସହ ପରା ବିଦ୍ୟା ଓ ଅପ୍ରା ବିଦ୍ୟା ସଂପର୍କରେ ଆଲୋଚନା କରିଥିଲେ । ଆତ୍ମ ନୀରିକ୍ଷଣ, ଜୀବନ ମାନେ କର୍ମ,ମଣିଷ ଜୀବନର ଲକ୍ଷ୍ୟ,ଅଧ୍ୟୟନ ଜ୍ଞାନ ଧ୍ୟାନ ଦ୍ବାରା କିପରି ମଣିଷ ଜୀବନ ସୁସଂଗତ ଓ ସୁସ୍ଥ ସମାଜ ଗଠନରେ ସହାୟକ ହୋଇଥାଏ ବକ୍ତବ୍ଯ ମାଧ୍ୟମରେ ପ୍ରକାଶ କରିଥିଲେ । ଏହା ସହ ସାଧାରଣତନ୍ତ୍ର ଦିବସର ଆଭିମୁଖ୍ଯ ସଂପର୍କରେ ବକ୍ତବ୍ଯ ରଖିଥିଲେ । ଏହି ଅବସରରେ ଗୁରୁ ଫକୀର ପତି ସରସ୍ବତୀ ବନ୍ଦନା ଓ କୃପାଂଶୀ କର,ଅନନ୍ୟା ପାଢୀ,ଜ୍ୟୋତିର୍ମୟୀ ବାରିକ ଓ ଅର୍ପିତା ନାୟକ ଓଡିଶୀ ନୃତ୍ୟ ପରିବେଷଣ କରିଥିଲେ । କାର୍ଯ୍ୟକ୍ରମରେ ପାଠାଗାରର ସ୍ମରଣିକାକୁ ଅତିଥିମାନେ ଉନ୍ମୋଚନ କରିଥିଲା ବେଳେ ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀତ୍ବ ହାସଲ କରିଥିବା ପ୍ରତିଯୋଗୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ । ପ୍ରାରମ୍ଭରେ କାର୍ଯ୍ୟକାରୀ ସଭାପତି ଶ୍ରୀବେହେରା ସଭାପତିତ୍ବ ଅଭିଭାଷଣ ସହ ପାଠାଗାରର ଲକ୍ଷ୍ୟ ଓ ଆଭିମୁଖ୍ଯ ସଂପର୍କରେ ତଥା ସାଧାରଣ ସଂପାଦକ ଶ୍ରୀ ଆଚାର୍ଯ୍ୟ ସଂପାଦକୀୟ ବିବରଣୀ ପାଠ କରିଥିଲେ । ଏହି ଅବସରରେ ଚଳିତ ବର୍ଷ ବିଶେଷ ଅବଦାନ ପାଇଁ ଗଦାଧର ରଥଙ୍କୁ ଉପଢୌକନ, ପୁଷ୍ପଗୁଛ୍ଛ ଓ ମେମୋଣ୍ଟୋ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ଅଜୟ ପ୍ରଧାନ, ସରୋଜ ପାତ୍ର ଓ ପାଠାଗାରର ସମସ୍ତ କର୍ମକର୍ତ୍ତା ଗଣ ସହଯୋଗ କରିଥିଲେ ।
previous post