ମ.ରାମାପୁର,୨୪/୦୪ (ମସୀହା): କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ର ହିନ୍ଦୁ ସମାଜ ପକ୍ଷରୁ ଆଜି ସ୍ଥାନୀୟ ହନୁମାନ ମନ୍ଦିର ଠାରୁ ଏକ ଶୋଭାଯାତ୍ରା ବାହାରି ବ୍ଲକ କାର୍ଯ୍ୟାଳୟରେ ପହଞ୍ଚିଥିଲେ l ଏହି ଶୋଭାଯାତ୍ରା ହିନ୍ଦୁ ସମାଜ ର ସଂଯୋଜକ ପଦ୍ମଲୋଚନ ମିଶ୍ର ଙ୍କ ତତ୍ବାବଧାନରେ ଅନୁଷ୍ଠିତ ହୋଇଥିଲା l ସମ୍ବଲପୁର ଠାରେ ଗତ ହନୁମାନ ଜୟନ୍ତୀ ପାଳନ ର ଶୋଭାଯାତ୍ରା ସମୟରେ ହିନ୍ଦୁ ସମାଜ ଉପରେ ହୋଇଥିବା ବର୍ବର ଆକ୍ରମଣ ର ବିରୁଦ୍ଧରେ ପ୍ରତିବାଦ କରି ରାଜ୍ୟ ପାଳଙ୍କ ଉଦେଶ୍ୟରେ ଏକ ସ୍ମାରକ ପତ୍ର ସ୍ଥାନୀୟ ବିଡିଓଙ୍କୁ ପ୍ରଦାନ କରା ଯାଇଥିଲା । ଏଥିରେ ଅନ୍ୟମାନଙ୍କ ମଧ୍ୟରେ ମ.ରାମପୁର ବ୍ଲକ ସାଂସଦ ପ୍ରତିନିଧି ଖୁସି ରାମ ସାହୁ, ପୂର୍ବତନ ଜିଲ୍ଲା ପରିଷଦ ସଦସ୍ୟ ଶ୍ରୀକାନ୍ତ ହୋତା, ନର୍ଲା ବ୍ଲକ ର ପୂର୍ବତନ ଜିଲ୍ଲା ପରିଷଦ ସଦସ୍ୟ ପ୍ରଦୀପ୍ତ କୁମାର ନାଏକ, ମୋହନ୍ ଗିରି ପଞ୍ଚାୟତ ର ସମିତି ସଭ୍ୟ ଗୋକୁଳାନନ୍ଦ ବିଶ୍ବାଳ,ବିଜୟ କୁମାର ମହାକୁଡ଼,ପ୍ରତାପ ଚନ୍ଦ୍ର ରଣା, ଦିବାକର ବାଗ,ମଳୟ କୁମାର ତ୍ରିପାଠୀ,ରାଜୁ ମାଝୀ, ପଣ୍ଡକାମାଳ ପଞ୍ଚାୟତ ର ପୂର୍ବତନ ସରପଂଚ କାମ ଦେବ ସାହୁ ,ମୋହନ ମନହିରା, ଅମିତ କୁମାର ଅଗ୍ରୱାଲ ପ୍ରମୁଖ ଯୋଗ ଦେଇଥିଲେ l