କାମାକ୍ଷାନଗର (ମନିସ )28/4/23 // କଙ୍କଡ଼ାହାଡ଼ ବିଦ୍ୟୁତ ସେକ୍ସନ ଅଧୀନରେ ଥିବା ଉଠା ଜଳସେଚନ ପ୍ରକଳ୍ପ କୁ ବିଦ୍ୟୁତ ବିଛିର୍ଣ୍ଣ ଯୋଗୁଁ ବହୁ ଫସଲ ନଷ୍ଟ ହେବାକୁ ଥିବା ବେଳେ ସଂପୃକ୍ତ ଚାଷୀ ଏବେ ଅସନ୍ତୋଷ ପ୍ରକାଶ ପାଇଛି l କଙ୍କଡ଼ାହାଡ଼ ବିଦ୍ୟୁତ ବିଭାଗ ଅଧୀନରେ ଥିବା ଭଣ୍ଡାରିଆ ୧ ଏବଂ ଭଣ୍ଡାରିଆ ୨ ଉଠା ଜଳସେଚନ ପ୍ରକଳ୍ପ କୁ ବିଦ୍ୟୁତ ବିଭାଗୀୟ ବାଣିଜ୍ୟ ଯନ୍ତ୍ରୀ ରାକେଶ ସାହୁ ଗତ ୭ ଦିନ ଧରି ବିଦ୍ୟୁତ ବିଛିର୍ଣ୍ଣ କରିଥିଲେ l ସଂପୃକ୍ତ ଚାଷୀ ବହୁ ଅନୁରୋଧ କଲେ ମଧ୍ୟ ଶ୍ରୀ ସାହୁ ସେଥିପ୍ରତି କୌଣସି ଗୁରୁତ୍ୱ ନ ଦେଇ ବାରମ୍ବାର ନିରାଶ କରିଥିଲେ l ଏଥିରେ ନିରାଶ ହୋଇ ସଂମ୍ପୃକ୍ତ ଚାଷୀ କାମାକ୍ଷାନଗରରେ ସହକାରୀ ନିର୍ବାହୀ ଯନ୍ତ୍ରୀଙ୍କୁ ଦେଖା କରିଥିଲେ l ଚାଷୀଙ୍କ ସମସ୍ତ କଥା ଶୁଣିବା ପରେ ସଂପୃକ୍ତ ବାଣିଜ୍ୟ ଯନ୍ତ୍ରୀ ଶ୍ରୀ ସାହୁଙ୍କୁ ତୁରନ୍ତ ବିଦ୍ୟୁତ ସଂଯୋଗ କରିବାକୁ ନିର୍ଦେଶ ଦେଇଥିଲେ l ପ୍ରାୟ ଏକ ଘଣ୍ଟାମଧ୍ୟରେ ଉଠା ଜଳସେଚନ ପ୍ରକଳ୍ପ କୁ ବିଦ୍ୟୁତ ସଂଯୋଗ କରାଯାଇଥିଲା l କିନ୍ତୁ ଶ୍ରୀ ସାହୁଙ୍କ ମନମୁଖୀ କାର୍ଯ୍ୟ ରେ ଦୀର୍ଘ ୭ ଦିନ ଧରି ବିଦ୍ୟୁତ ବିଛିର୍ଣ୍ଣ ହୋଇଥିବା ପ୍ରକଳ୍ପ ଅଧୀନରେ ଫସଲ ବ୍ୟାପକ କ୍ଷତି ହୋଇଥିବାରୁ ଚାଷୀମାନେ ତୁରନ୍ତ ଶ୍ରୀ ସାହୁଙ୍କୁ ଉକ୍ତ ସ୍ଥାନରୁ ଅପସାରିତ କରିବାକୁ ଦାବି କରିଛନ୍ତି l
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ