ନବରଙ୍ଗପୁର–(ମସିହା )ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଅଧିନରେ ଥିବା ଗାଦବାକତ୍ରା ଗ୍ରାମ ପଞ୍ଚାୟତ l ଉକ୍ତ ପଞ୍ଚାୟତ ଠାରେ ଆଠ ଗୋଟି ଚେକ୍ ଡ୍ୟାମ ନିର୍ମାଣ ହେବା ପାଇଁ ପ୍ରସ୍ତାବ ମଞ୍ଜୁର କରାଯାଇଥିଲା ଏବଂ ସାତ ଗୋଟି ଚେକ୍ ଡ୍ୟାମ ନିର୍ମାଣ କାର୍ଯ୍ୟ ସରିଥିବା କହିଛନ୍ତି ସୁକାନ୍ତ ନାଗ l ପାପାଡାହାଣ୍ଡି ସ୍ଥିତ ସହିଦ୍ ସ୍ତମ୍ଭ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୁକାନ୍ତ ନାଗ ସିଧାସଳଖ ବ୍ଳକ ପ୍ରଶାସନ କୁ ନିନ୍ଦା କରିଥିବା ଦେଖିବାକୁ ମିଳିଛି l ତାଙ୍କ କହିବା ଅନୁଯାୟୀ ଗାଦବାକତ୍ରା ପଞ୍ଚାୟତ ରେ ନୂତନ ନିର୍ମିତ ଚେକ୍ ଡ୍ୟାମ ଗୁଡିକ ଅତି ନିମ୍ନମାନର ହୋଇଛି l
ସରକାରୀ ଯନ୍ତ୍ରୀ ଓ ଠିକାଦାର ଙ୍କ ମଧୁ ଚନ୍ଦ୍ରିକା ରେ ଚେକ୍ ଡ୍ୟାମ୍ ନାମରେ ସିଧାସଳଖ ସରକାରୀ ଟଙ୍କା ଆତ୍ମସାତ କରାଯାଇଛି ବୋଲି କହିଛନ୍ତି ସୁକାନ୍ତ ନାଗ l ଜିଲ୍ଲାପାଳ ଙ୍କ ଜନଶୁଣାଣି କାର୍ଯ୍ୟକ୍ରମ ରେ ଶ୍ରୀ ନାଗ ଚେକ୍ ଡ୍ୟାମ୍ ଦୁର୍ନୀତି ଉପରେ ଭିଜିଲାନ୍ସ ତଦନ୍ତ କରାଯାଉ ବୋଲି ଜିଲ୍ଲାପାଳ ଙ୍କୁ ଲିଖିତ ଭାବରେ ଅବଗତ କରାଇଛନ୍ତି ବୋଲି ମତ ପ୍ରକାଶ କରିଛନ୍ତି l ପ୍ରତ୍ୟେକ ଚେକ୍ ଡ୍ୟାମ୍ ପାଇଁ ଦଶ ଲକ୍ଷ ଟଙ୍କା ମଞ୍ଜୁରୀ ହୋଇଛି, କିନ୍ତୁ ତାହା ସମ୍ପୂର୍ଣ୍ଣ ଖର୍ଚ୍ଚ ହେଉନାହିଁ l ଚେକ୍ ଡ୍ୟାମ ନିର୍ମାଣରେ ସଠିକ ପରିମାଣ ର ସିମେଣ୍ଟ,ବାଲି, ଲୁହା ରଡ୍ ବ୍ୟବହାର କରାଯାଉ ନ ଥିବା ଯୋଗୁଁ ଅଳ୍ପ ଦିନରେ ଚେକ୍ ଡ୍ୟାମ ଭୁଶୁଡ଼ି ପଡୁଛି ବୋଲି ସେ ପ୍ରଶାସନ ଉପରେ ନିନ୍ଦା କରିଛନ୍ତି l ଗାଦବା କତ୍ରା ଗ୍ରାମ ପଞ୍ଚାୟତ ର ସରପଞ୍ଚ ଙ୍କୁ ମଧ୍ୟ କିଛି ଅବଗତ ନ କରାଇ ସରକାରୀ ଯନ୍ତ୍ରୀ ନିଜ ମନ ଇଚ୍ଛା ରେ କାମ ଚଳାଇଛନ୍ତି ବୋଲି ଖୋଦ୍ ଉକ୍ତ ପଞ୍ଚାୟତ ସରପଞ୍ଚ ଯନ୍ତ୍ରୀ ଙ୍କ ବିରୁଦ୍ଧରେ ମୁହଁ ଖୋଲିଥିବା ଦେଖିବାକୁ ମିଳିଛି l ଉକ୍ତ ଦୁର୍ନୀତି ବିଷୟରେ ପାପଡାହାଣ୍ଡି ଗୋଷ୍ଠୀ ଉନ୍ନୟନ ଅଧିକାରୀ ଙ୍କୁ ଯୋଗାଯୋଗ କରିବାରୁ କିଛି କାମରେ ବ୍ୟସ୍ତ ରହିଛି ଏବଂ ମୋ ପାଖରେ କିଛି ତଥ୍ଯ ନାହିଁ ବୋଲି ସେ ତାଙ୍କର ମତ ପ୍ରକାଶ କରିଥିଲେ l ଏବେ ଦେଖିବାକୁ ବାକି ରହିଲା କଣ ସତରେ ହୋଇଛି କି ଚେକ୍ ଡ୍ୟାମ ନାମରେ ସରକାରୀ ଟଙ୍କାର ହରିଲୁଟ?କଣ ଜିଲ୍ଲାପାଳ ଉକ୍ତ ଦୁର୍ନୀତି ବିରୁଦ୍ଧରେ ଭିଜିଲାନ୍ସ ତଦନ୍ତ ପାଇଁ ସୁପାରିଶ କରିବେ କି?ଏଇ ଦୁର୍ନୀତି ର ଦିଗରେ ପ୍ରଶାସନ କେତେ ଶୀଘ୍ର ପଦକ୍ଷେପ ନେଉଛି,ତାହା ଦେଖିବାକୁ ବାକି ରହିଲା ???