ପୋଖରୀ ରେ ବୁଡି ବୃଦ୍ଧ ଙ୍କ ମୃତ୍ୟୁ
ଡାବୁଗାଁ, ୯/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ର ମେଦନା ପଞ୍ଚାୟତ ଅଧୀନ ମାଳିଗୁଡା ଗ୍ରାମ ନିକଟରେ ନିଜ ଜମିରେ ଥିବା ପୋଖରୀରେ ବୁଡି ବୃଦ୍ଧଙ୍କ ମୃତ୍ୟୁ ଘଟିଥିବା ଗୁରୁବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ର ମେଦନା 
ପଞ୍ଚାୟତ ଅଧୀନ ମାଳିଗୁଡା ଗ୍ରାମର ଦିନୁ ପାଇକ (୬୦) ବୁଧବାର ସକାଳୁ ନିଜ ଘରୁ ବାହାରି ରାତି ପର୍ଯ୍ୟନ୍ତ ଘରକୁ ଫେରିନଥିଲେ | ବହୁ ଖୋଜା ଖୋଜି କରିବା ପରେ ଗୁରୁବାର ସକାଳ ସମୟରେ ମୃତ ଦିନୁ ପିନ୍ଧି ଥିବା ଟି-ସାର୍ଟ ଓ ଗାମୁଛା ନିଜ ଜମିରେ ଥିବା ପୋଖରୀ ହୁଡାରେ ରହିଥିବା ଦେଖିବାକୁ ମିଳିଥିଲା | ଏଥିରେ ଜାଣିବାକୁ ପାଇଥିଲେ ଯେ ମୃତ ଦିନୁ ପୋଖରୀରେ ଗାଧୋଇବା ବେଳେ ଗୋଡ ଖସିଯାଇ ପାଣିରେ ବୁଡିଯାଇଛନ୍ତି | ଏନେଇ ମୃତକ ଙ୍କ ପୁଅ ମାନସାଏ ପାଇକ ଡାବୁଗାଁ ଥାନାରେ ଏତଲା ଦେଇଥିଲେ ଓ ଅଗ୍ନିସମ କେନ୍ଦ୍ରରେ ସୂଚନା ଦେଇଥିଲେ | ପରେ ଅଗ୍ନିସମ ସେବା କର୍ମଚାରୀ ଘଟଣାସ୍ଥଳରେ ପହଞ୍ଚି ପୋଖରୀ ମଧ୍ୟରୁ ବୃଦ୍ଧଙ୍କୁ ମୃତ ଅବସ୍ଥାରେ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ l ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ସବଇନିସ୍ପେକ୍ଟର ବିଜୁରାମ ବାଗ ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ଶବ ବ୍ୟବଚ୍ଛେଦ ହେବା ପରେ ତାଙ୍କ ପରିବାରକୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୩୪/୯.୧୧.୨୩ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
