ଅବକାରୀ ଚଢାଉ: ୧୦୫ ଲିଟର ମଦ ଜବତ , ୪ ଗିରଫ୍
ବସ୍ତା ,୧୯।୨: ଜିଲା ଅବକାରୀ ଅଧୀକ୍ଷକ ସୁଶାନ୍ତ ପାଢୀଙ୍କ ନିର୍ଦ୍ଦେଶ କ୍ରମେ ଓ ଭ୍ରାମ୍ୟମାଣ ଅବକାରି ସ୍କ୍ବାର୍ଡ଼ ନିରୀକ୍ଷକ ହରିହର ସିଂଙ୍କ ତତ୍ତ୍ବାବଧାନରେ ବସ୍ତା ଅବକାରୀ ବିଭାଗ ପକ୍ଷରୁ ସିଂଲା ଥାନା ଅଧୀନସ୍ଥ ସାର୍ଥା ପଞ୍ଚାୟତର ସାର୍ଥା ବଜାର ଓ ସାର୍ଥା ଗ୍ରାମରେ ଚଢାଉ କରାଯାଇ ବିପୁଳ ପରିମାଣରେ ଦେଶୀ ଓ ବିଦେଶୀ ମଦ ଜବତ ସହ ଚାରିଜଣଙ୍କୁ ଗିରଫ କରି ସୋମବାର ସେମାନଙ୍କୁ କୋର୍ଟ ଚାଲାଣ କରାଯାଇଛି।ଗିରଫ ଅଭିଯୁକ୍ତ ମାନେ ହେଲେ ସାର୍ଥା ଗ୍ରାମର ଶଶିକାନ୍ତ ବେହେରା(୬୪),ଦମୟନ୍ତୀ ପାତ୍ର(୬୦),ଅମୂଲ୍ୟ ରଣା(୬୦) ଓ ଚକସାର୍ଥା ଗ୍ରାମର ରଣଜିତ୍ ସାମନ୍ତ(୪୦)।ଚଢାଉ ସମୟରେ ଅଭିଯୁକ୍ତ ମାନଙ୍କ ନିକଟରୁ ସର୍ବମୋଟ ୧୦୦ ଲିଟର ଦେଶୀମଦ ଓ ୫.୪୦୦ ଲିଟର ବିଦେଶୀ ମଦ ଜବତ କରାଯାଇଛି।ଗିରଫ ଅଭିଯକ୍ତଙ୍କ ବିରୁଦ୍ଧରେ ଚାରୋଟି ପୃଥକ ପୃଥକ ମାମଲା ରୁଜୁ ହୋଇ ସେମାନଙ୍କୁ ଆଜି କୋର୍ଟ ଚାଲାଣ କରାଯାଇଛି।ଉକ୍ତ ଚଢାଉରେ ବସ୍ତା ଅବକାରୀ ଉପ ନିରୀକ୍ଷକ ଭକ୍ତଚରଣ ସ୍ବାଇଁ,ମୋବାଇଲ ସ୍କ୍ବାର୍ଡ଼ ଏ ଏସ ଆଇ ମଙ୍ଗଳ କୁମାଲ ସିଂ,ଏଏସ ଆଇ ବାବାଜୀ ପଣ୍ଡିତ,ମିନତି ପରିଡ଼ା,ସୁନାରାମ ସୋରେନ ଓ ପଙ୍କଜ ମହାନ୍ତି ପ୍ରମୁଖ ସାମିଲ ଥିଲେ।
ବସ୍ତା ରୁ ଜଗତ କୁମାର ଗିରି ଙ୍କ ରିପୋର୍ଟ୍
