ସୁନାମଧନ୍ୟ ଝୁମର ବିଶାରଦ ସଜନ ଵଳଙ୍କୁ ଗଭୀର ଶ୍ରଦ୍ଧାଞ୍ଜଳି
ମୟୂରଭଞ୍ଜ – ୧୯/୦୨ ( ମସିହା)ଓଡ଼ିଶାର ସୁନାମଧନ୍ୟ ଝୁମର ବିଶାରଦ ଓ ପ୍ରଚାରକ ସଜନ ବଳ (୭୩)ଙ୍କର ଏକାଦଶାହ କାର୍ଯ୍ୟକ୍ରମରେ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି ।ସେ ଜଣେ ମେଳାପି , ମିଷ୍ଟଭାଷୀ, ପରୋପକାରୀ, ଦରଦୀ ମଣିଷ ଥିବା ସ୍ୱର୍ଗତଃ ବଳ ସାରଳା ପୁରସ୍କାର ପ୍ରାପ୍ତ ସ୍ବର୍ଗତ ଗିରିଶ ଚନ୍ଦ୍ର ମହାନ୍ତଙ୍କ ସହଯୋଗୀ ଥିଲେ । ନିଶାରେ ସେ କଳା ପାଇଁ ଉତ୍ସର୍ଗୀକୃତ ଥିଲେ । ଜଣେ ଝୁମର ବିଶାରଦ ଭାବେ ସେ ସାରା ଓଡ଼ିଶାରେ କୋଣେ ଅନୁକୋଣେ ପରିଚିତ ଥିଲେ ।
ଓଡ଼ିଶାରେ ଝୁମରର ପ୍ରଚାର ଓ ପ୍ରସାରରେ ତାଙ୍କର ଭୂମିକା ଅତୁଳନୀୟ ଥିଲା । ସେ ଓଡିଶାର ମାଲକାନଗିରି ରୁ ମୟୂରଭଞ୍ଜ, ସମ୍ବଲପୁରରୁ ଭୂବନେଶ୍ବର ପର୍ଯ୍ୟନ୍ତ ବିଭିନ୍ନ ମହୋତ୍ସବରେ ତାଙ୍କ ନୈପୁଣ୍ୟତା ପ୍ରଦର୍ଶିତ କରିବା ସହ ବହୁ ବଡ଼ ଅନୁଷ୍ଠାନରୁ ପୁରସ୍କୃତ ଓ ସମ୍ବର୍ଦ୍ଧିତ ହୋଇଥିଲେ ।
ଏହା ବ୍ୟତୀତ ସେ କଟକ ରେଡ଼ିଓ ଷ୍ଟେସନର ସ୍ବୀକୃତି ପ୍ରାପ୍ତ କଳାକାର ଥିଲେ । ତାଙ୍କର ଏକାଦଶାହରେ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇ ତାଙ୍କର ଫଟୋଚିତ୍ରରେ ପୁଷ୍ପମାଲ୍ୟ ଦେଇ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ସେହିଭଳି ମୟୁରଭଞ୍ଜୂ ସଙ୍ଗୀତ ନୃତ୍ୟ ବିକାଶ ସମିତି, ରାଇରଙ୍ଗପୁର ତରଫରୁ ସଂଗଠନର ସଦସ୍ଯ ସୁବାସ ପାତ୍ର,ଶରତ ଦାସ,ଶିକ୍ଷାବିତ୍ ପ୍ରଶାନ୍ତ ପରୀକ୍ଷା, କୁମାର ମନୁ,ବଵିତା କଲିଆର, ବିଭୂତି ମହାନ୍ତ,ସାମ୍ବାଦିକ ସୌରଭ ପଟ୍ଟନାୟକ, ଜଗନ୍ନାଥ ବଳ,ରମେଶ ପାତ୍ର ମେଘନାଦ ହେମ୍ବ୍ରମ,ନିୟତି ମହାନ୍ତି,ଅନନ୍ଯା ଅଭିଲିପ୍ସା,ବିରେଶ ପାତ୍ର,ଦେଵଦାସ ଦାସ, ପୂର୍ଣ୍ଣ ଚନ୍ଦ୍ର ମହାନ୍ତ,ଵିକାଶ ମହାନ୍ତ,ଘନଶ୍ୟାମ ମହାନ୍ତ ଏବଂ ଅନ୍ୟମାନେ ଉପସ୍ଥିତ ରହି ଗଭୀର ଶ୍ରଦ୍ଧାଞ୍ଜଳି ଦେବା ସହ ତାଙ୍କର ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ ।