ସୁନୟନା
ଆନମନା ସୁନୟନା ତୁମ ବିନା
ମନ ମାନେନା
ନୀଳକଇଁ ମଥାନଇଁ ରହେ ଚାହିଁ
କିବା କାମନା ।
ପ୍ରୀତି ନଈ ରହି ରହି ଯାଏ ବହି
କୂଳ ଲଙ୍ଘେନା
ମହୁଆ ମହକରେ କୋଇଲି କୁହୁକରେ
ନିଦ ଲାଗେନା ।
କାମିନୀ ଯାମିନୀରେ ଚାନ୍ଦିନୀ ପଦ୍ମିନୀରେ
ରହି ହୁଏନା
କୁଆଁରୀ କଳ୍ପନାରେ କାମନା ସାତସୁରେ
ବାନ୍ଧି ପାରେନା ।
ଦୁଃଖର ନଦୀ ନୀରେ ଲୁହର ଅଶ୍ରୁ ନୀରେ
କହି ପାରେନା
ଆଖିର ଇସାରାରେ କନ୍ଦର୍ପ ଶରମାରେ
ଲାଖି ପାରେନା ।
ବୟସ ବସନ୍ତରେ ତାରୁଣ୍ୟ ତରଙ୍ଗରେ
ତୃପ୍ତି ମିଳେନା
ତୀକ୍ଷ୍ମ ତୋ ତନୁତୀରେ ପାଦ ବି ଖସିପାରେ
ଧରିପାରେନା ।
କଙ୍ଗାଳୀ ଚରଣ ସେଠୀ
