ବିଜ୍ଞାନୀ ମାନବ
ନଳିନୀ ପ୍ରଭା ମିଶ୍ର
ବିଶେଷ ଜ୍ଞାନର ଅଧିକାରୀ ଆଜି
ହୋଇଅଛି ଏ ମଣିଷ
ବିଜ୍ଞାନ ବଳରେ ସମଗ୍ର ଧରାକୁ
କରୁଛି ନିମିଷେ ବଶ।
ଆଗୁଆ ସମ୍ବାଦ ଦେଉଅଛି କହି
ସତର୍କ ରହିବା ପାଇଁ
ଦୈବୀ ଦୁର୍ବିପାକ ମୁକାବିଲା ଲାଗି
ପନ୍ଥା ଦେଉଛି ବତାଇ।
କୃତ୍ରିମ ବଳରେ କରୁଛି ଅନେକ
ସମାଜର ଉପକାର
ତଥାପି ରହିଛି ତା’ର ଉଦ୍ଭାବନେ
ଅହିତ ଓ ଅପକାର।
ପରମାଣୁ ବଳ କରୁଅଛି ଧ୍ବଂସ
ଯୁଦ୍ଧ ବିଭୀଷିକା ନେଇ
ବିବେକ ବିହୀନ ମନର ବିକାର
ମଣିଷ ପଣିଆ ନାହିଁ।
ହେଲେ କିସ ହେବ ନୂତନ ବ୍ୟବସ୍ଥା
ଦେଲେ ଏ ବିଜ୍ଞାନ ଯେତେ
ମଣିଷ ଚାହୁଁଛି ମଣିଷ ରକତ
ଆଧୁନିକତାର ମତେ।
କହିବାକୁ ଗଲେ ବିଜ୍ଞାନୀ ବନାମ
ଅଜ୍ଞାନୀ ଆଜି ନର
ତଥ୍ଯ ଭିତ୍ତିକ ବିଜ୍ଞାନକୁ ଆଜି
କରି ଅପ ବ୍ୟବହାର।
ମୁକୁନ୍ଦ ପୁର, ଆସ୍କା, ଗଞ୍ଜାମ
