ଜଣାଣ
ମାନଗୋବିନ୍ଦ ସ୍ବାଇଁ
ଜୀବନ ପରୀକ୍ଷା ସଂଗ୍ରାମ କରୁଛି
ବଞ୍ଚିବାକୁ ଧରି ରାହା
କଷଟି ପଥର ବାରମ୍ବାର ଚେକ୍
ଠିକ୍ ହୁଏ ସେ ସୁନା।
ଜଳ ସ୍ଥଳ ନଭ ସଂର୍ଘଷ କରୁଛି
ବିପଦ ନଆସୁ ମୋତେ
ଦଶ ଦିଗ ଧରି ଚାହିଁ ବସିଅଛି
ପ୍ରଭୁ ସାହା ଜଗନ୍ନାଥେ।
ଏମିତି ବେଳରେ ଚୁପଚାପ୍ ବସି
ଦେଖନ୍ତି ସରବ ନୀତି
ସର୍ବ କାମ ସବୁ ଭଲରେ ଚାଲିଛି
ପ୍ରଭୁଙ୍କ ରଖୁଛି ଭକ୍ତି।
ବିଶ୍ରାମ ବେଳରେ ହରିରାମ କହି
ଶାନ୍ତିର କରୁଛି ସ୍ତୁତି
ରାତ୍ର କାଳ ଠାରୁ ସୂରୁଯ ଉଦୟ
ପ୍ରଭୁ ନାମ ମୋର ଭକ୍ତି।
ସପନେ ଆସୁଛ ନିଦ୍ରାରେ କହୁଛ
ଭଲମନ୍ଦ ନୀତି ବାଣୀ
ସକାଳୁ ଉଠିଲେ ମନ ପଡିଯାଏ
ପ୍ରଭୁଙ୍କ ସ୍ବପ୍ନ କାହାଣୀ।
ଖୋଲି କହି ଦେଲେ ପ୍ରଭୁଙ୍କ ଯା କଥା
ମନକୁ ପ୍ରଫୁଲ୍ଲ କରେ
ଗତ ରାତି ସ୍ବପ୍ନ ପ୍ରମାଣ କରିଛି
ଜୀବନ ତୃପ୍ତି ମଧୁରେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
