କୋଷାଗୁମୁଡା,୦୩।୦୮ ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଚିର୍ମା ଗ୍ରାମ ରେ ମଙ୍ଗଳବାର ବିଳମ୍ବିତ ରାତି ରେ ନିଆଁ ଲାଗି ଦୋକାନ ଘର ସମ୍ପୂର୍ଣ ଜଳି ଯାଇଥିଲା । ସୂଚନା ଅନୁଯାଇ ଗ୍ରାମର ହାଇଦର ଅଲୀଙ୍କ ଦୋକାନରେ ବିଳମ୍ବିତ ରାତି ରେ ବିଦ୍ୟୁତ ସର୍ଟ ସର୍କିଟ୍ ଯୋଗୁ ଦୋକାନରେ ନିଆଁ ଲାଗିଯାଇଥିଲା । ସାହିଲୋକ ନିଆଁ ଲିଭାଇବା ପାଇଁ ବହୁଚେଷ୍ଟା କରିଥିଲେ ମଧ୍ୟ ନିଆଁକୁ ଆୟତ୍ତ କରିବାରେ ସକ୍ଷମ ହୋଇପାରିନଥିଲେ । ଏହାପରେ କୋଷାଗୁମୁଡା ଅଗ୍ନିଶମ ବିଭାଗ କୁ ଖବର ଦେଇଥିଲେ l ଅଗ୍ନିଶମ ଆସି ବହୁ କଷ୍ଟରେ ନିଆଁକୁ ଆୟତ୍ତ କରିଥିଲେ ମଧ୍ୟ ଦୋକାନଟି ସମ୍ପୂର୍ଣ ପୋଡିଯାଇଥିଲା । ଦୋକାନରୁ ପାଞ୍ଚ ଲକ୍ଷ ଟଙ୍କାର ଜିନିଷ ପୋଡି ନଷ୍ଟ ହୋଇଥିବା ସୂଚନା ମିଳିଛି ।
କୋଷାଗୁମୁଡା ରୁ ମହେନ୍ଦ୍ର ବିଶୋଇ ଙ୍କ ରିପୋର୍ଟ
