ଜଣାଣ

ମାନଗୋବିନ୍ଦ ସ୍ବାଇଁ

ବଡ଼ଦାଣ୍ଡ ଘର ରହି ନିରନ୍ତର

    ଦରଶନ କରେ ନିତି

ଦାଣ୍ଡ ପରିଷ୍କାର ପବିତ୍ର ଜଳରେ

   ଭକ୍ତିରେ କରୁଛି ସ୍ତୁତି।

ବଡ଼ଦାଣ୍ଡ ଡୋରି ଭକ୍ତିରେ ସବୁରି

     ବର୍ଷକୁ ହୁଏ ମିଳନ

ରଥର ବସିକି ଦର୍ଶନ ଦିଅନ୍ତି

   ଭକ୍ତ ଜନ ଆଲିଙ୍ଗନ।

ଯାହା ମନୋବାତ୍ସା ପୂରଣ କରନ୍ତି

    ଭକ୍ତ ବନ୍ଧୁ ମୋର ହରି

ଦୁଃଖ ସବୁ ଜାଣି ବିଚାର କରନ୍ତି

     ଶୁଣନ୍ତି ପ୍ରତି ଗୁହାରୀ।

ହରି ଯେ ପବନ ଜାଣେ ସର୍ବ ମନ

    ଖୁସିରେ ସର୍ବେ ସନ୍ତୋଷ

ଯାହାର ଯେପରି ରହିଛି ସ୍ବଭାବ

      ହରି କରନ୍ତି ପ୍ରକାଶ।

ପ୍ରଭୁ ପାଶେ ମନ ଯାଉ ଯେତେ ଦିନ

    ଗାଉଛି ତାଙ୍କ ଜଣାଣ

ସକାଳ ସନ୍ଧ୍ୟାରେ ପ୍ରାର୍ଥନା କରୁଛି

     ଘେନ ପ୍ରଭୁ ମୋ ପ୍ରଣାମ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା