ଜଣାଣ

     ମାନଗୋବିନ୍ଦ ସ୍ବାଇଁ

ଦେହ ପଚି ଶଢି ହୋଇ ଯାଉ ଖତ

       ଜଗତେ ମିଳୁଥା ଭାତ

ଯେତେ ଦିନ ଥିବି ଶାନ୍ତିରେ ରହିବି

     ହେ ପ୍ରଭୁ ମୋ ଜଗନ୍ନାଥ।

ତାଙ୍କରି ନାମରେ ବିଶ୍ବରେ ପ୍ରଚାର

       ଗୁଣ ଜ୍ଞାନ କରୁଥିବି

ଆଶୀର୍ବାଦ ଦିଅ କାମରେ ଆଗୋଇ

       ଗୁଣ ଯଶ଼ଃ ଗାଉଥିବି।

ମୋଜୀବନପଛକେ ଦୁଃଖକଷ୍ଟେଥାଉ 

       ଧରା ଜନ ରହୁ ଖୁସି

ମୋ ଆଶା ପୂରଣ ଜଗତ ଜୀବନ

     ଶାନ୍ତି ଦିଅ ବିଶ୍ବବାସୀ।

ଆଖିର ଲୁହରେ ଲେଖି ଦେଇ ପଦ

    ମୋ ଉପସ୍ଥାପନ ଆଗେ

ସଂସାର ଜଞ୍ଜାଳ ବୁଝିବାକୁ ହବ

   ହାତ ଟେକି ମହାଭାଗେ।

ମନ୍ଦିର ଉଡୁଛି ନାଲିଆ ବାନା ଲୋ

        ଭକ୍ତଙ୍କୁ ଦେଉ ଦର୍ଶନ

ତୋ ବାନା ସେମିତି ଉଡୁ ଥାଉ ସଦା

      ଶାନ୍ତି ହେ ବିଶ୍ବ ଜୀବନ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା