ଜଣାଣ

ମାନଗୋବିନ୍ଦ ସ୍ବାଇଁ

କର୍ମ ମୋର ହରି ନିତି ସେବା କରି

     ମାଗୁଛି ମୋ ସୁଖ ଶାନ୍ତି

ପାପି ତରି ଯାଉ ତୁମ ନାମ ଜପି

    ତାଙ୍କୁ ମିଳୁ କ୍ଷମା ମୁକ୍ତି।

ପାପିଙ୍କୁ ଉଦ୍ଧାର କରିଛ ଠାକୁର

     ବିପଦେ ହୋଇଛ ଠିଆ

କାଳତ ଆସୁଛି ରକ୍ଷା କର ପ୍ରଭୁ

    ଦେଖାଇ ତୁମର ହିଆ।

ମନର ମନ୍ଦିର ପୂଜା ପାଉ ଅଛ

   ବୁଝ ଦୁଃଖ ଆଉ ସୁଖ

ଜଗତ ବାସୀଙ୍କୁ ମଙ୍ଗଳ ବିଧାନ

   ଚାହିଁ ଦେଲେ ତୁମ ମୁଖ।

ଏମିତି ଠାକୁର ଜଗତର ଏକ

    ତୁମ ଲୀଳା ସବୁଠାରେ

ବିଜୟ କରିଛ ନୀଳାଞ୍ଚଳ ଧାମ

    ଭକ୍ତ ମେଳା ତୁମ୍ଭ ଦ୍ବାରେ।

ବିଶ୍ବର ଦେବତା ତୁମେ ପିତାମାତା

    ଜାଣ ମୋ ବଂଶ ଜଞ୍ଜାଳ

ସୁଖରେ ରହିବା ଶାନ୍ତିରେ ଚଳିବା

      ଦିଅ ପ୍ରଭୁ ମୋତେ ବଳ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା