ଜୀବନ ସାଥି
ଲତା ବେହେରା
ଏମିତି ସାଥି ତୁ ଏତେ ତୋ ଛଳନା
ବୁଝି ପାରିଲିନି ମୁଁ
ହାତ ଧରି ବାଟ ଚାଲୁ ଥିଲୁ ମୋର
ଠକି ଦେଲୁ ଆଜି ତୁ ।
ଉପରେ ଉପରେ ଭଲ ତୁ ପାଇଲୁ
ଭିତରେ ଜହର ଭରି ଦେଇ ଗଲୁ
ଏଡେ ମାୟାବିନୀ ତୁ
ବଳି ପଡି ଗଲି ମୁଁ ।
ଜୀବନ ସାଥି ମୁଁ ତୋତେ ବାଛି ନେଲି
ମୋ କାଳ ସାଜିଲୁ ତୁ
ତୋତେ ଭଲ ପାଇ କେତେ ଭୁଲ୍ କଲି
ପସ୍ତେଉଛି ଆଜି ମୁଁ ।
ମିଛ ମାୟା ଜାଲ ପ୍ରେମରେ ଫସେଇ
ଖେଳିଲୁ ତୁ ଭଲ ଖେଳ
ବୁଝି ପାରିଲିନି ତୋର ସେ ଚକ୍ରାନ୍ତ
ଭୋଗୁଛି ତାହାର ଫଳ ।
ମିଛ ବାହାନାରେ ହୃଦୟ ଜିତିଲୁ
ସମ୍ପତ୍ତି ଲୋଭରେ ବିବାହ କରିଲୁ
ଜାଣି ପାରିଲିନି ମୁଁ ।
କାଳ ନାଗୁଣୀ ସାଜିଲୁ ତୁ ।
ଗୋଟି ଗୋଟି କରି ସବୁ ସମ୍ପତ୍ତି ମୋ
ଅଧିକାର କରି ନେଲୁ
ବିଶ୍ୱାସରେ ମୋର ବିଷ ଭରି ଦେଇ
ଅନ୍ୟ ପ୍ରେମେ ହଜି ଗଲୁ ।
ତୋ ମିଠା ହସରେ ଭରି ଥିଲା ବିଷ
କାହାକୁ ବା ଥିଲା ଜଣା
ସତ ଭାବି ପ୍ରେମେ ହେଲି ତୋ ପାଗଳ
ହଜିଗଲା ମୋ ଠିକଣା ।
ଦିଗ ହଜା ହେଇ ଘୂରି ମୁଁ ବୁଲୁଛି
ତୋ ପାଇଁ ସବୁ ହରେଇ ବସିଛି
ଏଡିକି କପଟୀ ତୁ ।
ତୋତେ ବୁଝି ପାରିଲିନି ମୁଁ ।
ଚଲା ପଥେ ମୋର କଣ୍ଟା ତୁ ବିଛେଇ
ଉପରେ ରଖିଲୁ ଫୁଲ
ମିଠା କଥା କହି ମନ ନେଲୁ ମୋହି
ଭାବି ନେଲି ତୋତେ ଭଲ ।
ତୋ ଛଳନା ଲୁହ ବାନ୍ଧି ଦେଲା ମୋହ
ଜୀବନ ସାଥି ମୁଁ କଲି
ସମ୍ପତ୍ତି କେବଳ ଥିଲା ତୋର ଲକ୍ଷ୍ୟ
ନା ତାହା ମୁଁ ଜାଣି ଥିଲି ।
ତୋ ମିଛ କାହାଣୀ ନିରୀହ ଚାହାଣୀ
ଗଢିଲା ସେ ସତ ପ୍ରେମର କାହାଣୀ
ମିଛ ଜୀବନ ସାଥିଟି ତୁ ।
ତୋତେ ଚିହ୍ନି ପାରିଲିନି ମୁଁ ।
ମୋ ରାସ୍ତାରେ ମୁଁ ଭଲରେ ତ ଥିଲି
ମୋତେ ତୁ ଡାକି ନେଲୁ
ପ୍ରେମିକ ସହିତ ହାତ ତୁ ମିଳେଇ
ଆଜି ମୋତେ ମାରି ଦେଲୁ ।
ଶଙ୍ଖାକୁ ଭାଙ୍ଗିଣ ସିନ୍ଦୂର ଲିଭେଇ
ମୋ ସାଥେ ଛଳନା କଲୁ
ମରଣ ସହିତ ମୁଁ ଆଜି ଲଢୁଛି
ଅନ୍ୟ ହାତ ଧରି ନେଲୁ ।
କି ଜୀବନ ସାଥି ତୁ ମୋର ହେଲୁ
ଠକି ଦେଇ ଭଲ ଧୋକା ଦେଇଗଲୁ
ତୋତେ ଜାଣି ପାରିଲିନି ମୁଁ ।
ଏଡେ କପଟୀ ସତେ ଲୋ ତୁ ।
ଲତା ବେହେରା
ଜକା, ଢେଙ୍କାନାଳ
