ରୋଗୀ ସମେତ ଆଟେଣ୍ଡାଣ୍ଟ ହେଉଛନ୍ତି ହଇରାଣ
ଧର୍ମଗଡ: କଳାହାଣ୍ଡି ଜିଲ୍ଲା ଧର୍ମଗଡ ଉପଖଣ୍ଡ ଚିକିତ୍ସାଳୟ ପରିସର ରେ ଥିବା ଏକ ମାତ୍ର ସର୍ବ ସାଧାରଣ ଶୌଚାଳୟ ରେ ତାଲା ଝୁଲୁଛି । ଶୌଚାଳୟ ଉଦଘାଟନ କୁ ଇତି ମଧ୍ୟରେ ୩୦ଦିନ ଅର୍ଥାତ ମାସେ ବିତିଲାଣି ଅଥଚ ଗେଟ ରେ ପଡି ଥିବା ତାଲା ଫିଟୁ ନାହି । ଫଳ 
ରେ ସାଧାରଣ ରୋଗୀ ଏବଂ ସେମାନଙ୍କ ସଂପର୍କୀୟ ଆଟେଣ୍ଡାଣ୍ଟ ମାନେ ଶୌଚ କ୍ରିୟା ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ବିଶେଷ କରି ମହିଳା ମାନେ ବହୁତ ହଇରାଣ ହେଉଛନ୍ତି ।
ଧର୍ମଗଡ ଉପଖଣ୍ଡ ଚିକିତ୍ସାଳୟ ପରିସର ରେ ସାଧାରଣ ରୋଗୀ ଏବଂ ତାଙ୍କର ସମ୍ପର୍କୀୟ ଆଟେଣ୍ଡାଣ୍ଟ ମାନଙ୍କ ବ୍ୟବହାର ପାଇଁ ଗତ ୨୦୧୬ ମସିହାରେ ଲକ୍ଷାଧିକ ଟଙ୍କା ବ୍ୟୟ ରେ ଏକ ଶୌଚାଳୟ ନିର୍ମାଣ କରାଯାଇ ଥିଲା ଯାହାକି ଅଳ୍ପ ଦିନ ର ବ୍ୟବହାର ପରେ ଭାଙ୍ଗି ରୁଜି ଯାଇଥିଲା । ଦୀର୍ଘ ଦିନ ଧରି ଏଠାରେ ତାଲା ଝୁଲିବା ପରେ ଏନଏସି ଏହାର ମରାମତି କରାଇ ଥିଲା । ପ୍ରାୟ ୧୦ ଲକ୍ଷ ଟଙ୍କା ବ୍ୟୟରେ ଏହାର ନବୀକରଣ କରାଯାଇଥିଲା । ଗତ 
ଫେବୃୟାରୀ ମାସ ୭ତାରିଖ ରେ ଧର୍ମଗଡ ବିଧାୟକ ଏହାର ଉଦ୍ଘାଟନ କରି ଥିଲେ । ଧର୍ମଗଡ ଏନଏସି ଏହି ଶୌଚାଳୟ ର ପରିଚାଳନା ଦାୟିତ୍ୱ ହାତକୁ ନେଇ ଥିବା ବେଳେ ଏଠାରେ ତାଲା ଝୁଲୁ ଥିବାରୁ ସାଧାରଣ ରୋଗି ଓ ସେମାନଙ୍କ ସଂପର୍କୀୟ ଶୌଚ କାର୍ଯ୍ୟ ପାଇଁ ହଇରାଣ ହେଉଛନ୍ତି । ଯାହାକୁ ନେଇ ସାଧାରଣ ରେ ଅସନ୍ତୋଷ ପ୍ରକାଶ ପାଇଛି। କେବେ ଏହାର ତାଲା ଫିଟିବ ଏବଂ ଏହା ଜନ ସାଧାରଣ ଙ୍କ ବ୍ୟବହାର ପାଇଁ ଖୋଲା ଯିବ ତାହାକୁ ଏବେ ଲୋକେ ଅପେକ୍ଷା କରି ରହିଛନ୍ତି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
