ମସୀହା_୨୧/୦୬_ ଢେଙ୍କାନାଳ ଜିଲ୍ଲା କାମାକ୍ଷlନଗର ନିକଟସ୍ଥ କାନପୁରା ସ୍ଥିତ ପଞ୍ଚାୟତ ରାଜ ଉଚ୍ଚ ବିଦ୍ୟାଳୟର ରେ ପ୍ରଧାନ ଶିକ୍ଷକ ଶ୍ରୀରାମ ରାଉତ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି । ଏହି ଅବସରରେ କାମାକ୍ଷାନଗର ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ମୁଖ୍ୟଅତିଥି , ସହାକାରୀ ଜିଲ୍ଲାପାଳ ଦୀପକ କୁମାର ମିଶ୍ର ଓ ମଦନମୋହନ ଜେନା ସମ୍ମାନିତ ଅତିଥି ରୂପେ ଯୋଗଦେଇଥିଲେ ।ଯୋଗଗୁରୁ ଶଙ୍କର୍ଷଣ ପଣ୍ଡା ଯୋଗ , ପ୍ରାଣାୟମ ର ଆବଶ୍ୟକତା ଓ ଏହାର ବ୍ୟବହାରିକ ଗୁଣ ଉପରେ ଆଲୋଚନା କରି ପ୍ରତ୍ୟକ୍ଷଭାବେ ଯୋଗଶିକ୍ଷା ପ୍ରଦାନ କରିଥିଲେ । କ୍ରୀଡ଼ାଶ୍ରୀ ବାନାର୍ଜୀ ମହାନ୍ତି ଙ୍କ ପରିଚାଳନା ରେ ଛାତ୍ରଛାତ୍ରୀ ଶିକ୍ଷକ ଶିକ୍ଷୟିତ୍ରୀ ମାନେ ଯୋଗ , ଆସନ , ପ୍ରାଣାୟମ ଓ ବ୍ୟାୟାମ ଅଭ୍ୟାସ କରିଥିଲେ । ନିୟମିତ ଯୋଗାଭ୍ୟାସ ଜଣେ ବ୍ୟକ୍ତିକୁ ସୁସ୍ଥ ଓ ନିରୋଗ କରିଥାଏ ଓ ଯୋଗ ସମସ୍ତଙ୍କ ପାଇଁ ସକାରାତ୍ମକ ମନୋଭାବ ଆଣିଥାଏ ବୋଲି ମୁଖ୍ୟଅତିଥି ମତ ରଖିଥିଲେ । ଆଜି ସମଗ୍ର ଦେଶରେ ଯୁବକ ମାନେ ଯୋଗ ପ୍ରାଣାୟମ ମାଧ୍ୟମରେ ଏକାଗ୍ରତା ଓ କାର୍ଯ୍ୟ ଦକ୍ଷତା ବୃଦ୍ଧି କରିବା ପାଇଁ ଯୋଗର ଆବଶ୍ୟକତା ଉପରେ ପ୍ରଧାନ ଶିକ୍ଷକ ପରାମର୍ଶ ଦେଇଥିଲେ । ଶିକ୍ଷକ ନିରଞ୍ଜନ ସାହୁ ସ୍ୱଗାତ ଭାଷଣ ସହ ଅତିଥି ପରିଚୟ ପ୍ରଦାନ କରିବା ସହ ଶିକ୍ଷକ ଧ୍ରୁବଚରଣ ସୁନ୍ଦରାୟ ଧନ୍ୟବାଦ ଅର୍ପଣ କରିଥିଲେ । ଶିକ୍ଷକ ସୁରେଶ କୁମାର ବିଶ୍ବାଳ , ଚନ୍ଦ୍ରମଣି ଲେଙ୍କା , ପ୍ରହଲ୍ଲାଦ ସାହୁ , ନିର୍ମଳ ମହାନ୍ତି , ବସନ୍ତ ସାହୁ , ସୌଭାଗ୍ୟ ସାହୁ , ଚିତ୍ତରଞ୍ଜନ ବିଶ୍ୱାଳ , ଶିକ୍ଷୟିତ୍ରୀ କବିତା ରାଉତ , ସୁମିତ୍ରା ଜେନା , ପ୍ରଭାତୀ ସାହୁ , ଗୀତାରାଣୀ ମହାପାତ୍ର , ଜୟସ୍ମିତା ରାଉତ , ଶିକ୍ଷା କର୍ମଚାରୀ ଗିରିଶ ଚନ୍ଦ୍ର ମହାନ୍ତି , ରବିନାରାୟଣ ରାଉତ , ପ୍ରଶାନ୍ତ ରାଉତ ପ୍ରମୁଖ ଉପସ୍ଥିତ ଥିଲେ ।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ୍
