ମଣିଷ ଖିଆ ଘାଟି ରେ ଓଲଟିଲା ବସ, କ୍ରୀଡା ଶିକ୍ଷକ ମୃତ,20 ଛାତ୍ର ଛାତ୍ରୀ ଆହତ
ଚନ୍ଦାହାଣ୍ଡି -(ଦିଲୀପ ଦାସ ) ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି – ଝରୀଗାଁ ଘାଟିରେ ଉମରକୋଟ ବିଭିନ୍ନ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କୁ ଆଣୁଥିବା ଏକ ଘରୋଇ ବସ ଓଲଟି କ୍ରୀଡା ଶିକ୍ଷକ ପ୍ରଭାସ କୁମାର ଜେନା ଙ୍କ ଘଟଣା ସ୍ଥଳରେ ମୃତ୍ୟୁ ବରଣ କରିଥିବା ବେଳେ,20 ରୁ ଉର୍ଦ୍ଧ ଛାତ୍ର ଛାତ୍ରୀ ଆହତ ହୋଇଥିବା ସୂଚନା ମିଳିଛି l ପ୍ରକାଶ ଯେ ସରକାରୀ ପାନାବେଡା ହାଇସ୍କୁଲ ରେ ଆଜିଠାରୁ ତିନିଦିନ ଧରି ଜିଲ୍ଲା ସ୍ତରୀୟ କ୍ରୀଡା ଉତ୍ସବ ହେବାକୁ ଯାଉଥିବା ବେଳେ ଉମରକୋଟ ବ୍ଲକ ର ବିଭିନ୍ନ ବିଦ୍ୟାଳୟ ରୁ 54 ଜଣ ଛାତ୍ର ଛାତ୍ରୀ ଙ୍କୁ ନେଇ ଏକ ଘରୋଇ ବସ OD-24 2974 ଯୋଗେ କ୍ରୀଡା ଉତ୍ସବ ରେ ଯୋଗ ଦେବାକୁ ଯାଉଥିଲେ l ଘାଟିରେ ଭାରସାମ୍ୟ ହରାଇ ଓଲଟି ପଡ଼ିଥିବା ବେଳେ ଘଟଣା ସ୍ଥଳରେ କ୍ରୀଡା ଶିକ୍ଷକ ପ୍ରଭାସ କୁମାର ଜେନା ଙ୍କ ମୃତ୍ୟୁ ହୋଇଥିବା ବେଳେ 20 ରୁ ଉର୍ଦ୍ଧ ଛାତ୍ର ଛାତ୍ରୀ ଆହତ ହୋଇଥିଲେ l ସେମାନଙ୍କ ମଧ୍ୟରୁ ପାଞ୍ଚ ଜଣ ଗୁରୁତର ଛାତ୍ର ଛାତ୍ରୀ ଙ୍କୁ ଉମରକୋଟ ସ୍ୱାସ୍ଥ୍ୟ କେନ୍ଦ୍ର କୁ ପଠା ଯାଇଥିବା ବେଳେ, ଆହତ ଙ୍କୁ ଝରୀଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର 
ରେ ଚିକିତ୍ସା କରାଯାଉଛି l ଖବର ପାଇ ଉଦ୍ଧାରକାରି ଦଳ ସହିତ କ୍ରୀଡା ଉତ୍ସବ ରେ ଯୋଗ ଦେବାକୁ ଆସିଥିବା ସମସ୍ତ ଜିଲ୍ଲା ଓ ବ୍ଲକ ସ୍ତରୀୟ ଅଧିକାରୀ ସହିତ ସମସ୍ତ କ୍ରୀଡା ଶିକ୍ଷକ ଘଟଣା ସ୍ଥଳରେ ପହଂଚି ଆହତଙ୍କୁ ଉଦ୍ଧାର କରିଥିଲେ l ମୃତ୍ୟୁ ବରଣ କରିଥିବା କ୍ରୀଡା ଶିକ୍ଷକ ଙ୍କ ଘର ବାଲେଶ୍ୱର ଜିଲ୍ଲାର ବାଲିଆ ପାଳ ବୋଲି ଜଣା ପଡ଼ିଥିବା ବେଳେ, ଖବର ପାଇ ତାଙ୍କ ପରିବାର ବର୍ଗ ଆସୁଥିବା ସୂଚନା ମିଳିଛି l ତେବେ କ୍ରୀଡା ଉତ୍ସବ କୁ ବାତିଲ କରାଯାଇଥିବା ସୂଚନା ମିଳିଛି l ନବରଙ୍ଗପୁର ଜିଲ୍ଲା ସଦର ମହକୁମା ଠାରୁ ଚନ୍ଦାହାଣ୍ଡି ର ଦୂରତା 120 କିଲୋମିଟର ସହ ଜଙ୍ଗଲ ଓ ଘାଟି ରାସ୍ତା ଥିବା ବେଳେ ଜିଲ୍ଲା ସ୍ତରୀୟ ସମିତି କେଉଁ କାରଣ ରୁ ଜିଲ୍ଲା ସଦର ମହକୁମା ରେ କ୍ରୀଡା ଉତ୍ସବ ନ କରି ଚନ୍ଦାହାଣ୍ଡି ରେ କରିବା ଘଟଣା କୁ ବୁଦ୍ଧିଜୀବୀ ମହଲ ରେ ନା ପସନ୍ଦ କରିଛନ୍ତି l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
