ମାଁ ସକ୍ ତେନ କ୍ରିକେଟ ପ୍ରତିଯୋଗିତାରେ କାନ୍ଦୁଲଡଙ୍ଗରୀ କୁ ହରାଇ ଗ୍ରୀଣ୍ଡୋଲ ଚାମ୍ପିଅନ
ଜୁନାଗଡ଼,୨୧/୩(ମ ନି ସ) ଗୋଲାମୁଣ୍ଡା ବ୍ଲକ ଅନ୍ତର୍ଗତ ମାନଝରୀ ପଞ୍ଚାୟତ ଅଧୀନ ଡୁଡୁକେଲ ସ୍ଥିତ ମାଁ ଲଙ୍କେଶ୍ଵରୀ ଖେଳ ପଡିଆ ଠାରେ ମାଁ ସକ୍ ତେନ କ୍ରିକେଟ ପ୍ରତିଯୋଗିତା ଉଦଯାପିତ। ଗ୍ରୀଣ୍ଡୋଲ ଏକାଦଶ ବନାମ କାନ୍ଦୂଳଡଙ୍ଗରୀ ଏକାଦଶ ମଧ୍ୟ ରେ ଫାଇନାଲ ଖେଳ ହୋଇଥିଲା । ଏହି ଅବସରରେ ମୁଖ୍ୟ ଅତିଥି ଭାବେ ଗୋଲାମୁଣ୍ଡା ପଞ୍ଚାୟତ ସମିତି ଅଧ୍ୟକ୍ଷ ଶ୍ରୀଯୁକ୍ତ ବିନ୍ଦୁ ମହାନନ୍ଦ, ସମ୍ମାନିତ ଅତିଥି ଭାବେ ମାନଝରୀ ଗ୍ରାମ ପଞ୍ଚାୟତ ସରପଞ୍ଚ ଶ୍ରୀଯୁକ୍ତ ଜଗୁଜିବନ୍ ଆଘ୍ରିଆ,ୱାର୍ଡ଼ ମେମ୍ବର ଶ୍ରୀଯୁକ୍ତ ଧୀରେନ୍ଦ୍ର ମାଝି, ରଜିନ ଭାଟି,ଅନନ୍ତ ତାଣ୍ଡି , ଦିବା ମହାନନ୍ଦ,ପ୍ରଦୀପ ମହାନନ୍ଦ,ଶିକ୍ଷକ ପବନ ମହାନନ୍ଦ, ରମଣ ମହାନନ୍ଦ, ଗୋବିନ୍ଦା ଭାତ୍ରିଆ ପ୍ରମୁଖ ମଞ୍ଚାସିନ ରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଗ୍ରୀଣ୍ଡୋଲ ଦଳ ଟସ୍ ଜିତି ପ୍ରଥମେ ବ୍ୟାଟିଙ୍ଗ କରି ୧୨ ଓଭର ରେ ୫ ୱିକେଟ ହରାଇ ୧୪୧ ରନ ସଂଗ୍ରହ କରିଥିଲା । ତାର ଜବାବ ରେ କାନ୍ଦୂଳଡଙ୍ଗରି ଦଳ ୯ ଓଭର ରେ ୪୨ ରନ ସଂଗ୍ରହ କରି ଅଲ ଆଉଟ୍ ହୋଇ ପରାଜୟର ଶିକାର ହୋଇଥିଲା । ମୁଖ୍ୟ ଅତିଥି ଶ୍ରୀମାନ ମହାନନ୍ଦ ଏବଂ ସମ୍ମାନିତ ଅତିଥି ବୃନ୍ଦଙ୍କ ଦ୍ଵାରା ଚମ୍ପିଆନ ହୋଇଥିବା ଦଳକୁ ୨୦ ହଜାର ଟଙ୍କା ସହ ଟ୍ରଫି ଏବଂ ରନର୍ସ ଦଳକୁ ୧୫ ହଜାର ସହ ଟ୍ରଫି ପ୍ରଦାନ କରିଥିଲେ । ଲକ୍ଷ୍ମୀଧର ମଲ୍ଲିକ ଏବଂ ଲଳିତ ଭରାସଗ୍ରିଆ ଅମ୍ପେୟର ଭାବରେ ଖେଳ ପରିଚାଳନା କରିଥିଲେ। ରୋମାଞ୍ଚଳ ମହାନନ୍ଦ ଓ ଦିନେଶ ମହାନନ୍ଦ ସ୍କୋରବୋର୍ଡ ଦାୟିତ୍ଵ ତୁଲାଇଥିବା ବେଳେ ବିକ୍ରମ ମାଝୀ ଏବଂ ରାଜେଶ୍ ବଗର୍ତ୍ତି ଖେଳ ଧାରା ବିବରଣୀ ପ୍ରଦାନ କରିଥିଲେ। କମିଟି ର ସମସ୍ତ ସଭ୍ୟ ଉପସ୍ଥିତ ରହି ସହଯୋଗ କରିଥିଲେ ।
ଜୁନାଗଡ଼ ନିର୍ବାଚନ ମଣ୍ଡଳୀରୁ ଜଗଜ୍ଜୀବନ ସାଙ୍କ ରିପୋର୍ଟ
