ବିଶିଷ୍ଟ ସମାଜସେବୀ ସୁନୀଲ ସିଂ ଙ୍କ ଅକାଳ ବିୟୋଗ- ଜିଲ୍ଲା ପାଇଁ ଅପୂରଣୀୟ କ୍ଷତି
ବିଶିଷ୍ଟ ସମାଜସେବୀ ତଥା ସେବା ଚେରିଟେବୁଲ ଟ୍ରଷ୍ଟର ପ୍ରତିଷ୍ଠାତା ସୁନୀଲ ସିଂ ଙ୍କ ଅକାଳ ବିୟୋଗ | ଗତ ତା 21/03/25ରେ ନିଜ ଗ୍ରାମ ଝୁଲେନବରରୁ ଭୋର ସକାଳୁ ନିଜେ କାର ଚଳେଇ ଭୁବନେଶ୍ୱର ଅଭିମୁଖେ ଯାଉଥିବା ସମୟରେ ବୌଦ୍ଧ ଠାରେ ଭାରସାମ୍ୟ ହରାଇ ଦୁର୍ଘଟଣା ଘଟି ଗୁରୁତର ଆହତ ହୋଇଥିଲେ, ଦୁଇ ଗୋଡ଼ ଭାଙ୍ଗି ଯାଇଥିଲା ଓ ଛାତିରେ ଗଭୀର ଆଘାତ ହୋଇଥିଲା | ସେଠାରେ ଉପସ୍ଥିତ ଜନସାଧାରଣ ପ୍ରାଥମିକ ଚିକିତ୍ସା କରି ଉଚ୍ଚତ୍ତର ଚିକିତ୍ସା ପାଇଁ ବୁର୍ଲା ମେଡିକାଲ କଲେଜ କୁ ସ୍ଥାନାନ୍ତର କରିଥିଲେ | ବୁର୍ଲା ମେଡିକାଲ କଲେଜ ରୁ ସ୍ଥାନାନ୍ତର କରି ପୁଣି ବରଗଡ଼ ବିକାଶ ହସ୍ପିଟାଲରେ ଚିକିତ୍ସିତ ହେଉଥିଲେ,ଗତକାଲି ଚିକିତ୍ସାଧୀନ ଅବସ୍ଥାରେ ଡାକ୍ତର ମୃତ୍ୟୁ ଘୋଷଣା କଲେ | ଆଜି ତାଙ୍କର ପାର୍ଥିବ ଶରୀର ନିଜ ପୈତୃକ ଗ୍ରାମ ଝୁଲେନବର କୁ ପହଁଞ୍ଚିଥିଲା | ପାର୍ଥିବ ଶରୀରକୁ ଶ୍ରଦ୍ଧାଞ୍ଜଳି ଜଣେଇବା ପାଇଁ ଗ୍ରାମରେ ହଜାର ହଜାର ଶୁଭେଛୁ, ସମାଜସେବୀ ଉପସ୍ଥିତ ରହି ସୁନୀଲ ସିଂ ଅମର ରହେ ନାରା ଦେଇ ଶୋଭାଯାତ୍ରାରେ ପୈତୃକ ଘରକୁ ନେଇଥିଲେ | ହଜାର ହଜାର ଜନସାଧାରଣ ଶେଷ ଦର୍ଶନ କରି ଶୋକାକୁଳ ପରିବାର ବର୍ଗକୁ ସମବେଦନା ଜଣେଇଥିଲେ | ସୁନୀଲ ସିଂ ଜଣେ ଅଞ୍ଚଳ ପାଇଁ ଦରଦୀ ମଣିଷ, ପରୋପକାରୀ ବ୍ୟକ୍ତି ଥିଲେ | ଅସହାୟ, ଗରିବ ମାନଙ୍କ ସାଥୀ ହୋଇ ଅସୁବିଧା ସମୟରେ ଦୁଃଖ ସମୟରେ ଠିଆ ହେଉଥିଲେ | ଶୀତ ଦିନରେ ଅସହାୟ ବୃଦ୍ଧ, ବୃଦ୍ଧା ମାନଙ୍କୁ ଶୀତ ବସ୍ତ୍ର ବଣ୍ଟନ, ଅସହାୟ ମାନଙ୍କୁ ବସ୍ତ୍ର ବଣ୍ଟନ, ଅନେକ ଗରିବ ପରିବାର ର ଶୁଦ୍ଧିକ୍ରିୟା କରିବା,ଗରିବ ଲୋକ ମାନଙ୍କୁ ରାସନ ସାମଗ୍ରୀ ବଣ୍ଟନ କରିବା,କରୋନା ସମୟରେ ପାଟଣାଗଡ଼, ବେଲପଡା ଡାକ୍ତରଖାନା ରେ ରୋଗୀ ଓ ରୋଗୀ ପରିଜନ ମାନଙ୍କୁ ରନ୍ଧା ଖାଦ୍ୟ, ଫଳ ବିସ୍କୁଟ, ପାଉଁରୁଟି ବଣ୍ଟନ କରିବାରେ ତାଙ୍କର ବହୁମୂଲ୍ୟ ଅବଦାନ ରହିଛି | ତାଙ୍କ ଭଳି ଜଣେ ଯୁବ ସମାଜସେବୀକୁ ହରେଇ ପଶ୍ଚିମ ଓଡ଼ିଶାର ଅପୂରଣୀୟ କ୍ଷତି ହୋଇଛି | ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇ ସମ୍ପୂର୍ଣ ସ୍ତବ୍ଧ ହୋଇ ଯାଇଛି |ପରେ ମାୟାବତୀ ନଦୀ କୂଳରେ ଶବ ସତ୍କାର କରିଥିଲେ | ଶବ ସତ୍କାର ସମୟରେ ନିଜ ପୁଅ ମୁଖାଗ୍ନି ଦେଇଥିଲେ | ହଜାର ସଂଖ୍ୟାରେ ଜନସାଧାରଣ ଉପସ୍ଥିତ ଥିଲେ |
ଦୁର୍ଯୋଧନ ବର୍ଗେ ଙ୍କ ରିପୋର୍ଟ୍
