ପିଲାମାନେ ପର କରି ଥିବା ପିତା ମାତାଙ୍କୁ ଆପଣାର କରି ପୂଜାର୍ଚନା କଲେ ଶ୍ରୀ ଜଗନ୍ନାଥ ଟ୍ରଷ୍ଟ ର କର୍ମକର୍ତା
କଟକ : ବାପା ଓ ମା ଦୁଇଟି ଅମୁଲ୍ୟ ଶବ୍ଦ l ଏହି ଦୁଇଟି ମହାନ ଆତ୍ମା ଆମକୁ ଦୁନିଆଁ ଦେଖାଇଥାନ୍ତି l ଯେତେବେଳେ ପିଲାଟିଏ ଘରେ ଜନ୍ମ ହୁଏ ସତରେ ଘରେ ଯେପରି ଏକ ଅଦିନିଆ ପର୍ବ ର ଆରମ୍ଭ ହୁଏ l ଏହା ଆମ ସଂସାର ର ରୀତିନୀତି ଅଟେ l କେନ୍ଦ୍ରାପଡ଼ା ଜିଲ୍ଲା ର ସାମାଜିକ ଅନୁଷ୍ଠାନ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର କର୍ମକର୍ତ୍ତା ମାନେ ଆଜି ପହଂଚିଥିଲେ ଏକ ଵୃଦ୍ଧାଶ୍ରମ ରେ l ଆଜି ଥିଲା ଟ୍ରଷ୍ଟ ର ଉପସଭାପତି ରଶ୍ମି ରଞ୍ଜନ ବାରିକ ଙ୍କ ବାପା ରତ୍ନାକର ବାରିକ ଙ୍କ ର ୨୮ ତମ ଶ୍ରାଦ୍ଧ ବାର୍ଷିକୀ l ଆଜି ଟ୍ରଷ୍ଟ ର କିଛି କର୍ମକର୍ତା ଏହି ସ୍ଥାନ ରେ ପହଂଚିଥିଲେ l ଯେଉଁ ପିତା ମାତା ଙ୍କୁ ପିଲାମାନେ ହତାଦର କରିଛନ୍ତି ସେମାନଙ୍କୁ ବାପା ମା ଙ୍କ ପରି ଯଥୋଚିତ ସମ୍ମାନ କରି ପୂଜାର୍ଚନା କରିଥିଲେ l ସେହି ବାପା ମା ମାନଙ୍କୁ ଧୂପ,ଦୀପ, ଚନ୍ଦନ, ସିନ୍ଦୁର, ଅରୁଆ ଚାଉଳ ଓ ଦୁବ ବରକୋଳି ପତ୍ର ଓ ବ୍ରାହ୍ମଣ ଙ୍କ ବେଦ ଧ୍ୱନି ସହ ହରିବୋଲ ହୁଳହୁଳି ରେ ସ୍ଥାନ ପକମ୍ପିତ ହୋଇଥିଲା l ଅଞ୍ଚଳବାସୀ ମାନେ କହୁଥିଲେ ମନ୍ଦିର ରେ ପୂଜା ଚାଲିଛି l ଏହି କାର୍ଯ୍ୟକ୍ରମ ପରେ ବାପା ମା ଙ୍କ ସହ ମିଳିମିଶି ଖାଦ୍ୟ ପାନୀୟ ଗ୍ରହଣ ପରେ ଶୀତ ବସ୍ତ୍ର ର ମଧ୍ୟ ଆୟୋଜନ କରାଯାଇଥିଲା l ଆଜି ର କାର୍ଯ୍ୟକ୍ରମ ରେ ବୃଦ୍ଧ ବାପା ମା ଙ୍କ ସହ ଟ୍ରଷ୍ଟ ର କର୍ମକର୍ତ୍ତା ଙ୍କର ଯେପରି ଏକ କ୍ରନ୍ଦନ ର ଅଧ୍ୟାୟ ଆରମ୍ଭ ହୋଇଥିଲା l ଜଣେ ମା କହିଥିଲେ ମୋର 6 ଟି ପୁଅ, କେହି ବିକଳାଙ୍ଗ ନୁହଁ କିନ୍ତୁ ମୁଁ ଆଜି ଏ ସ୍ଥାନ ରେ ରହିଛି l ଜଣେ ବାପା କହିଥିଲେ ମୋର ଗୋଟିଏ ପୁଅ, ଯେତେବେଳେ ସେ ଜନ୍ମ ହୋଇଥିଲା କେତେବେଳେ ସାଇକେଲ ତ କେତେବେଳେ କାନ୍ଧ ବସାଇ ବୁଲାଉ ଥିଲି ଓ କହୁଥିଲି ମୋ ପୁଅ କିନ୍ତୁ ଆଜି ମୋର ଦୁର୍ଭାଗ୍ୟ l ଆଜି ର କାର୍ଯ୍ୟକ୍ରମ ପରିଶେଷରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭାପତି ଦମନ ମହାନ୍ତି ଙ୍କ ବାର୍ତ୍ତା ଥିଲା ଆପଣ ମାନଙ୍କୁ ନିଜର ପିଲାମାନେ ଦୂର କରିଦେଇପାରନ୍ତି କିନ୍ତୁ ଆମ ଟ୍ରଷ୍ଟ ର କର୍ମକର୍ତ୍ତା ଜୀବନ ର ଶେଷ ସମୟରେ ଚାରି କାନ୍ଧ ଦେବେ l ଆଜି ର କାର୍ଯ୍ୟକ୍ରମ ରେ ଟ୍ରଷ୍ଟ ର ବରିଷ୍ଟ ସଦସ୍ୟ ବିଷ୍ଣୁ ଚରଣ ମହାପାତ୍ର, ପ୍ରମୋଦ ନାୟକ, ନିମାଇଁ ଚରଣ କର,ରାଜୀବ ଲୋଚନ ରାୟ ଙ୍କ ସହ ମନୋଜ କୁମାର ରାଉତ, ସଂଗ୍ରାମ କୁମାର ଦାସ ଓ ନୂତନ ସଦସ୍ୟ ପବିତ୍ର କୁମାର ସହଯୋଗ କରିଥିଲେ l
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
