ଦୂର ହେଉନି ରାସ୍ତା ମରାମତି ସମସ୍ୟା, ଲୋକେ ହେଉଛନ୍ତି ହିନସ୍ତା
ବାଲେଶ୍ଵର ଜିଲ୍ଲା ଖଇରା ବ୍ଲକରେ ଦୂର ହେଉନି ରାସ୍ତା ନିର୍ମାଣ ଓ ମରାମତି ସମସ୍ୟା । ନିର୍ମାଣ ଓ ମରାମତିରେ ସମୟସୀମା ଥାଏ ହେଲେ ସମୟସୀମା ପୂର୍ବରୁ ରାସ୍ତା ପାଲଟୁଛି ମରଣଯନ୍ତା । ଏପରି ଏକ ଦୃଶ୍ୟ ଦେଖିବାକୁ ମିଳିଛି କୁପାରି-ବର୍ତ୍ତନା-ଆଗରପଡା ମୁଖ୍ୟ ରାସ୍ତାର ବର୍ତ୍ତନା ରୁ ରାମପୁର ମଧ୍ୟରେ । ଠିକାଦାରଙ୍କ ନିମ୍ନମାନର କାର୍ଯ୍ୟ ଯୋଗୁଁ ଅଳ୍ପ ଦିନରେ ଖରାପ ହେଉଛି ରାସ୍ତା, ସୃଷ୍ଟି ହେଉଛି ଗର୍ତ୍ତ ଯାହାକି ଯାନବାହନ ଓ ପଥଚାରୀ ମାନଙ୍କ ପାଇଁ ବିପଦର କାରଣ ହେଉଛି । ଏହି ରାସ୍ତା ଦେଇ ରାଜ୍ୟର ବିଭିନ୍ନ ସ୍ଥାନକୁ ଭାରୀଯାନ ଓ ଯାତ୍ରୀବାହୀ ଗାଡ଼ି ଚାଲୁଥିବାରୁ ଯାତ୍ରୀ ମାନେ ଭୟଭୀତ ଅବସ୍ଥାରେ ଯିବା ଆସିବା କରୁଛନ୍ତି । ବେଳେ ବେଳେ ଛୋଟବଡ଼ ଦୁର୍ଘଟଣା ମଧ୍ୟ ଘଟୁଛି ।
ସେହିପରି ଆଳଦା-ପଳସା-ଡୁଙ୍ଗୁରା ରାସ୍ତା ମଧ୍ୟ ଶୋଚନୀୟ ହୋଇ ପଡିଛି । ଯେତେ ମରାମତି କଲେ ମଧ୍ୟ ଯେଉଁ ଖରାପ କୁ ସେଇ ଖରାପ । ଠିକାଦାର ଙ୍କ ନିମ୍ନମାନର କାର୍ଯ୍ୟ ତା’ର ଉଦାହରଣ । ତେଣୁ ରାସ୍ତା ନିର୍ମାଣ ଓ ମରାମତି ବାବଦରେ ଖର୍ଚ୍ଚ ହେଉଥିବା କୋଟି କୋଟି ଟଙ୍କା କାହା ପାଇଁ, ଅସାଧୁ ମାନଙ୍କ ପାଇଁ ନୁହେଁ ତ ? ଜନସାଧାରଣ ଙ୍କ ଦାବି ରାସ୍ତାରେ ଭାରୀଯାନ ଚଳାଚଳ ବନ୍ଦ ଓ ଉଚ୍ଚ ମାନର ରାସ୍ତା ନିର୍ମାଣ ଓ ମରାମତି ପାଇଁ ଡବଲ ଇଞ୍ଜିନ ସରକାର ଦୃଷ୍ଟି ଦିଅନ୍ତୁ ନଚେତ୍ ଆଗାମୀ ନିର୍ବାଚନ ରେ ଜନସାଧାରଣ ସରକାରଙ୍କୁ ଜବାବ ଦେବେ ।।
ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
