ବାଲେଶ୍ବର,୧୯/୫/୨୨- ବିଦ୍ୟୁତ୍ ଆଘାତରେ ଜଣେ ବ୍ୟକ୍ତିର ମୃତ୍ୟୁକୁ ନେଇ ଗ୍ରାମରେ ଉତ୍ତେଜନା ପ୍ରକାଶ ପାଇଛି । ସୂଚନାରୁ ପ୍ରକାଶ ବାଲେଶ୍ବର ଜିଲ୍ଲା ସିଂଲା ଥାନା ଅଧିନ ପୁଟୁରା ପଞ୍ଚାୟତର ଚାମ୍ଫଳା ଗ୍ରାମର ମୃତ୍ୟୁଞ୍ଜୟ ଭକ୍ତା(୫୮) ତା ୧୮/୫/୨୨ ରିଇ ସକାଳେ ବିଲକୁ ଧାନ କାଟିବାକୁ ଯାଇଥିବା ବେଳେ ସେଲୁକୁ ନିଆଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି । ତେବେ ପ୍ରାଇଭେଟ୍ ସେଲୋଟି ସେହି ଗ୍ରାମର ଗୌରାଙ୍ଗ ସାମନ୍ତଙ୍କର ହୋଇଥିବା ବେଳେ କ୍ଷତିପୂରଣ ଦାବିରେ ମୃତ୍ୟୁଞ୍ଜୟଙ୍କ ପରିବାର ଲୋକେ ମୃତଦେହକୁ ନେଇ ସେଲୁ ମାଲିକ ଗୌରାଙ୍ଗ ସାମନ୍ତଙ୍କ ଘର ଆଗରେ ରଖିବାରୁ ଗ୍ରାମରେ ଉତ୍ତେଜନା ଦେଖାଦେଇଥିଲା ।
ସେପଟେ ସିଂଲା ପୋଲିସ ଖବର ପାଇ ଘଟଣାସ୍ଥଳକୁ ଆସିଥିଲେ ମଧ୍ୟ ଉପାୟ ଶୂନ୍ୟ ହୋଇ ଜଣେ କନେଷ୍ଟବଳଙ୍କୁ ଜଗାଇଦେଇ ପଳେଇଥିଲେ । କାରଣ ମୃତ ବ୍ୟକ୍ତିଙ୍କ ପରିବାର ତରଫରୁ କୌଣସି ଏତଲା ଦିଆଯାଇନଥିଲା । ଗ୍ରାମବାସୀମାନେ ଘଟଣାର ସମାଧାନ ଗ୍ରାମରେ ଚାହୁଁ ଥିବାରୁ ପୋଲିସ ମଧ୍ୟ ନାଚାର ହୋଇ ଯାଇଥିଲା । ତେବେ ଖବର ଲେଖା ହେବା ପର୍ଯ୍ୟନ୍ତ ଗ୍ରାମରେ କୌଣସି ସମାଧାନର ରାସ୍ତା ବାହାରିନଥିବା ଜଣା ପଡିଥିଲା । ସରପଞ୍ଚ ଓ ଗ୍ରାମର ମୁଖିଆଙ୍କ କଥାରୁ ଯାହା ଜଣାଯାଉଛି ଏ ଘଟଣା ଘଟୁଥିବାର କାରଣ ଇଲେକ୍ଟ୍ରି ଡିପାଟମେଣ୍ଟର ଖାମ ଖିଆଲି କାମ ପାଇଁ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
