କର୍ଲାମୁଣ୍ଡା ବ୍ଲକର ପ୍ରଥମ ମହିଳା ପିଏଚଡି ଡିଗ୍ରୀଧାରୀ ହେଲେ ସୀମନ୍ତିନୀ ସେଠ
କର୍ଲାମୁଣ୍ଡା, ୧୯/୦୯ (ସୁଶାନ୍ତ ରଣା): କର୍ଲାମୁଣ୍ଡା ବ୍ଲକ ରିଷିଡା ନିବାସୀ ବିଶିଷ୍ଟ କଳାକାର ଲକ୍ଷ୍ମୀପ୍ରସାଦ ସେଠ ଓ କିଶୋରୀ ସେଠ ଙ୍କ କନିଷ୍ଠ ଝୀଅ ସୀମନ୍ତିନୀ ସେଠ ସଂସ୍କୃତରେ ଗବେଷଣା କରି ପିଏଚଡି ଡିଗ୍ରୀ ପ୍ରାପ୍ତ ହୋଇଥିବାରୁ ଅଞ୍ଚଳରେ ଖୁସିର ମାହୋଲ ଦେଖାଯାଇଛି । ସୀମନ୍ତିନୀ ଗୁଜୁରାଟ ବିଶ୍ୱବିଦ୍ୟାଳୟ ଅହମ୍ମଦାବାଦ ଠାରେ ସଂସ୍କୃତରେ ପିଏଚଡି କରୁଥିଲେ । ସେ କାଳିଦାସ ଙ୍କ 
ରଘୁବଂଶ ଉପରେ ଦିନକର ମିଶ୍ରଙ୍କ ରଚିତ ସୁବୋଧିନୀ ଟୀକାର ପୁରାତନ ତଥା ଅପ୍ରକାଶିତ ପାଣ୍ଡଲିପିକୁ ଆଧାର କରି ଷଷ୍ଟ ରୁ ନବମ ସର୍ଗ ପର୍ଯ୍ୟନ୍ତ ପାଠର ସଂପାଦନ ଓ ସମୀକ୍ଷାତ୍ମକ ଅଧ୍ୟୟନ କରିଥିଲେ । ତାଙ୍କ ଥେସିସର ଶିର୍ଷକ ଥିଲା ଆନ ଏଡିସନ ଆଣ୍ଡ କ୍ରିଟିକାଲ ଷ୍ଟଡି ଅଫ ଦି ସୁବୋଧିନି କମେଣ୍ଟାରୀ ଅନ ଦି ରଘୁବଂଶ (ସିକ୍ସଥ ଟୁ ନାଇନ୍ଥ କାଣ୍ଟୋସ) ବାଏ ଦିନକର ମିଶ୍ର । ତାଙ୍କ ଗବେଷଣା କାର୍ଯ୍ୟ ଡ ମଞ୍ଜୁଲା ଜେ ବିରାତିୟା ଙ୍କ ମାର୍ଗଦର୍ଶନରେ ସଂପନ୍ନ ହୋଇଛି । ବିଭାଗ ମୁଖ୍ୟ ପ୍ରଫେସର ହେତଲ ପାଣ୍ଡ୍ୟା, ବାହ୍ୟ ପରୀକ୍ଷକ ଡ ଶ୍ୱେତା କେଜୁରେକର, ପ୍ରଫେସର ମୟୁରୀ ଭାଟିଆ ପ୍ରମୁଖ ପ୍ରମାଣପତ୍ର ପ୍ରଦାନ ସମୟରେ ଉପସ୍ଥିତ ଥିଲେ । ସିମନ୍ତିନୀ କର୍ଲାମୁଣ୍ଡା ବ୍ଲକର ପ୍ରଥମ ମହିଳା ପିଏଚଡି ଧାରୀ ହୋଇଥିବା ଜଣାଯାଇଛି । ସେ ଅବସରପ୍ରାପ୍ତ ଶିକ୍ଷକ ସ୍ୱର୍ଗତଃ ଦୁର୍ବାଦଳ ସେଠ ଓ ମଦନାବତୀ ସେଠ ଙ୍କ ନାତୁଣି ହୋଇ ଥିବାବେଳେ ତାଙ୍କର ସଫଳତା ପାଇଁ ପରିବାରର କାକା, କାକି, ଭାଇ, ଭାଉଜ, ବଡବାପା, ବଡମା, ମାମୁଁ ମାଇଁ, ଦିଦି ଜିଜୁ, ପିଉସା ପିଉସୀ ମାନେ ଅଭିନନ୍ଦନ ଜଣାଇଛନ୍ତି ।
