କବି
ନଳିନୀ ପ୍ରଭା ମିଶ୍ର
ଚିନ୍ତା ଚେତନାର ଉର୍ଦ୍ଧ୍ବରେ ତା’ ସ୍ଥିତି
ଅପୂର୍ବ ସର୍ଜନା କାରୀ
ପଶୁ,ପକ୍ଷୀ,ନର ସମଗ୍ର ପୃଥିବୀ
ଲେଖନୀ ରେ ରଖେ ଧରି।
କଲ୍ପନା ବିଳାସୀ କର ଇ ଜୀବନ୍ତ
ଲେଖନୀ ରେ ଦିଏ ପୁଟ
ପିପାସା ଅଦମ୍ୟ ଅଶେଷ ଉଦ୍ୟମ
ଭାଷା ତା’ର ପରିସ୍ଫୁଟ।
ହୃଦୟ ବିଶାଳ ଭାବ ପରିମଳ
ଅନାସକ୍ତ ମନୋଭାବ
କବିତା ତା’ ପ୍ରାଣ କବିତା ହିଁ ଧନ
ବଶୀଭୂତ କରେ ସର୍ବ।
ଲେଖନୀ ମୁନରେ ଧ ଉତ କରିଥାଏ
ଆବିଳତା ସମାଜର
ଦୂରେଇ ଦୁର୍ନୀତି କୁ ପଥୁ ନିବୃତ୍ତି
ମଣିଷ କୁ କରେ ସାର।
କରି ଋଦ୍ଧିମନ୍ତ ସାହିତ୍ୟ ଭଣ୍ଡାର
ଛନ୍ଦ ଅଳଙ୍କାରେ ପୂର୍ଣ୍ଣ
ସାହିତ୍ୟ ସେବାରେ ଉତ୍ସର୍ଗ କରିଛି
କବିର ଜୀବନ ଧନ୍ୟ।
କବିଟି ଏ ସିଏ ନୁହଁ ଇ ସାମାନ୍ୟ
ବ୍ରହ୍ମା ଙ୍କର ଅବତାର
ସର୍ଜନା ସୂତ୍ରରେ ଅପୁର୍ବ ବିନ୍ଧାଣୀ
ସାକ୍ଷାତ ଦ୍ବିତୀୟ ଈଶ୍ବର।
ମୁକୁନ୍ଦ ପୁର, ଆସ୍କା, ଗଞ୍ଜାମ
