ଶେଫାଳି

 

ଶେଫାଳି ହେ ତୁମେ

କମନୀୟ, ନମନୀୟ

ବାସମୟ ରଜନୀ ର

ତୁମେ ଏକା ନାୟକ l

ରଜନୀ ରେ ଫୁଟ

ଚହଟାଇ ବାସ

ସକାଳରେ ଝରିପଡ

ଧାରାଣୀର ବକ୍ଷ l

ନିଶିରେ ଫୁଟି ଚହଟାଇ ବାସ

ନାମ ତୁମ ନିଶିଗନ୍ଧା

କିଏ କହିଥିଲା ଅଭିଶପ୍ତ ତୁମେ

ପ୍ରତ୍ୟୁଷରୁ ଝରିପଡ l

ମୁଁ ତ କହିବି ଭାଗ୍ୟବାନ ତୁମେ

ତୁମ ପରି ଫୁଲ ନାହିଁ ଏ ଜଗତେ

ସୁରୁଜ କିରଣ ଛୁଏନି ତୁମକୁ

ମାଉଳେନି ତୁମ କମନୀୟ କାନ୍ତି l

ଆହୁରି ଭାବୁଛି

ଧରାରେ ପଡିବା ଫୁଲ 

ପାଏ ନାହିଁ ପୂଜା 

ଏମିତି ଫୁଲ ତୁମେ

ଧାରାକୁ ଛୁଇଁଲେ ହିଁ

ହୁଅ ତୁମେ ପୂଜା,

ତୋଳିଲେ ତୁମକୁ

ହୁଏ ନାହିଁ ପୂଜା

ଧାରାରେ ପଡିଲେ ତୁମ

ବଢେ ସୁନ୍ଦରତା l

 

ରାଜୀବ ଲୋଚନ ପାଣିଗ୍ରାହୀ

ରଘୁନାଥ ନଗର, ଆସିକା, ଗଞ୍ଜାମ