ଜୟ ଜଗନ୍ନାଥ
ଶ୍ରୀ ଭ୍ରମର ବାଗ
ଜୟ ଜଗନ୍ନାଥ ଜଗତର ନାଥ
ଜଗନ୍ନାଥ ନାମ ବହିକି !
ପୂର୍ବ ଉତ୍କଳର ଲବଣ ସିନ୍ଧୁର
ତୀରେ ବିରାଜିଛ ଆସିକି !!1
ବଡ଼ ଦେଉଳର ରତ୍ନ ସିଂହାସନେ
ବସିଅଛ ଚକା ପାରିକି !
ପତିତପାବନ ବାନାକୁ ଉଡ଼ାଇ
ଭକ୍ତେ ଡାକୁଅଛ ଠାରିକି !!2
ବାର ମାସେ ତେର ଯାତରା ଲଗାଇ
ଭକତଙ୍କୁ କର ବାଇକି !
ଭାବର ଠାକୁର ବୁଝୁଅଛ ଭାବ
ଭାବ ଡୋରେ ଭକ୍ତ ଟାଣିକି !!3
ଷାଠିଏ ପଉଟି ଅଭଡ଼ାର ଭାତ
ଛପନ ଭୋଗକୁ ଖାଇକି !
କୈବଲ୍ୟ ନିର୍ମାଲ୍ୟ ମହା ପ୍ରସାଦରେ
ତାରୁଅଛ ପାପୀ ତାପୀକି !!4
ପ୍ରେମର ଠାକୁର କଳା କଳେବର
ପ୍ରେମ ଭକ୍ତି ରସେ ରସିକି !
ଭକତି ଛନ୍ଦରେ ଭକତକୁ ଛନ୍ଦି
କୋଳେଇ ନିଅ ହେ ହସିକି !!5
ଭାବକୁ ନିକଟ ଅଭାବକୁ ଦୂର
ଭାବର ଠାକୁର ହୋଇକି !
ଅଭାବେ ମୁଁ ତୁମ ଭାବ ଲଗାଇଛି
ବୁଝ ଭାବ କୃପା ବହିକି !!
ଗାଁ – କୋଦୋବେଡ଼ା, ସିନାପାଲି, ଜିଲ୍ଲା – ନୂଆପଡ଼ା
