ଜଣାଣ

ମାନଗୋବିନ୍ଦ ସ୍ବାଇଁ

କାଳିଆ ସୁନ୍ଦର ବଳିଆ ସୁନ୍ଦର

     ସୁନ୍ଦର ସୁଭଦ୍ରା ଭଗ୍ନୀ

ବର୍ଷକରେ ଥରେ ମାଉସୀ ଘରକୁ

   ଯାଉଛି ତୃପ୍ତି ବୁଲାଣୀ।

ଏଇ ପରି ଦୃଶ୍ୟ ଭକ୍ତ ଜନ ବନ୍ଧୁ

  ଦେଖି ହୁଅନ୍ତି ସନ୍ତୋଷ

ମାଉସୀ ଘରକୁ ଆସିଥିଲେ ପ୍ରଭୁ

    ମନରେ ଭରୁଛି ରସ।

ମାଉସୀ ହାତରେ ରନ୍ଧା ଖାଦ୍ୟ ତାଙ୍କୁ

    ତୃପ୍ତି ଲାଗେ ଶାନ୍ତି ପ୍ରୀତି

ସେନେହ ଡୋରିରେ ଭକ୍ତି ସବୁ ଅଛି

    ପାହାଡ଼ ପରି ସଂସ୍କୃତି।

ମାଉସୀ ବାଡିରୁ ଶ୍ରୀମନ୍ଦିର ଦ୍ବାର

        ଅଳପ ଅଳପ ଦିଶ

ରଥରେ ଫେରୁଛ ଭକ୍ତ ହରି ବୋଲ

     ଦୃଶ୍ୟରେ ମୁରୁକି ହସ।

ହାତ ଯୋଡ଼ି ପ୍ରଭୁ ଘେନ ନମସ୍କାର

       ଆଶା ରଖିଛୁ ଚରଣ

ସବୁ କଥା ବୁଝ ସବୁ ବେଳେ ବୁଝ     

      ପ୍ରଭୁ ତୁମେ ନାରାୟଣ ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା