ନୂଆପଡ଼ା ଜିଲ୍ଲା ଖଡିଆଳ ସ୍ଥିତ ସ୍ୱୟଂଶାସିତ କଲେଜ ଜାତୀୟ ସେବା ଯୋଜନା ଏନଏସଏସ)ର ୨ଟି ଶୀତକାଳୀନ ଶିବିର ଗୁରୁବାର ଉଦ୍ଘାଟିତ ହୋଇଯାଇଛି । କଲେଜ ଅଧ୍ୟକ୍ଷ ଗଙ୍ଗାଧର ପାଣିଗ୍ରାହୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶୀତକାଳୀନ ଶିବିରରେ ମୁଖ୍ୟ ଅତିଥ ଭାବରେ ପୂର୍ବଟନ କଲେଜ ଅଧ୍ୟକ୍ଷ ମେଜର ଡଃ ରାମଚନ୍ଦ୍ର ମିଶ୍ର ଯୋଗଦାନ କରି ଶିବିରର ଶୁଭ ଉଦ୍ଘାଟନ କରି ଛାତ୍ରଛାତ୍ରୀ ମାନଙ୍କୁ ଜାତୀୟ ସେବା ଯୋଜନାର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ମତବ୍ୟକ୍ତ କରିଥିଲେ । ସମ୍ମାନିତ ଅତିଥି ଭାବରେ ଅଶ୍ବିନୀ ପାଢୀ, ଡଃ ତରୁଣ କୁମାର ପ୍ରଧାନ ପ୍ରମୁଖ ନିଜର ଅନୁଭୂତି ଜ୍ଞାପନ କରିଥିଲେ । ୨ ଗୋଟି ଶିବିର ୨୫ ଜଣ ସ୍ଵେଚ୍ଛାସେବା ଛାତ୍ରୀଙ୍କୁ ନେଇ ମହିଳା ୟୁନିଟ କୋଟିପଦର ଗ୍ରାମରେ ଏବଂ ୨୫ ଜଣ ସ୍ଵେଚ୍ଛାସେବୀ ଛାତ୍ରଙ୍କୁ ନେଇ ପୁରୁଷ ୟୁନିଟ ଚିଚେର ଗ୍ରାମରେ ୭ ଦିନ ଧରି ବିଭିନ୍ନ କାର୍ଯ୍ୟକ୍ରମ ଯଥା କରୋନା ସଚେତନତା, ଭୋଟର ଅଧିକାର, ପଞ୍ଚାୟତ ନିର୍ବାଚନ, ମାନବାଧିକାର, ଗ୍ରାମରେ ସ୍ଵଚ୍ଛତା ଉପରେ ଉପରେ ଅନୁଷ୍ଠିତ ହେବ । ଜାତୀୟ ସେବା ଯୋଜନା ସଂଯୋଜିକା ପ୍ରଣତୀ ପଣ୍ଡା ସ୍ଵାଗତ ଭାଷଣ ଦେଇଥିବା ବେଳେ ଚିତ୍ତରଞ୍ଜନ ଜେନା, ଶୁଭ୍ରାଂଶିସ ବାରିକ, ମୀନା ସାହା ଉପସ୍ଥିତ ଥିଲେ । ଶେଷରେ ସୁରଞ୍ଜନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
previous post