ଢେଙ୍କାନାଳ : ଓଡ଼ପଡ଼ା ବ୍ଲକ ଅଧିନସ୍ଥ ବାଙ୍ଗୁରିସିଂଙ୍ଗ ଗ୍ରାମର ପ୍ରାୟ ଶତକଡ଼ା ୯୦% ଗ୍ରାମବାସୀ ଚାଷ ଉପରେ ନିର୍ଭର କରି ଚଳିଥାଆନ୍ତି । ହେଲେ ଗତ ୮ ରୁ ୧୦ ବର୍ଷ ହେଲା ହାତି ଉପଦ୍ରବ କରିବା ଫଳରେ ଗ୍ରାମର ପରିବା ଚାଷୀ ବହୁତ କ୍ଷତି ସହୁଛନ୍ତି । ବାରମ୍ଵାର ଅଭିଯୋଗ କଲାପରେ ମଧ୍ୟ କୌଣସି ସୁଫଳ ମିଳୁନାହିଁ । ଏହା ପାଇଁ ତହସିଲଦାର ଓଡାପଡ଼ା,ଜେଙ୍କାନାଳ ରେଞ୍ଜର, ମୋଟଙ୍ଗା ଥାନା ଅଧିକାରୀ ଓ ଗ୍ରାମର ସରପଞ୍ଚ ଙ୍କ ଦ୍ୱାରା ଏକ ବୈଠକ ଅନୁଷ୍ଠିତ ହୋଇଲା । ବୈଠକ ପରେ ମଧ୍ୟ ଆଜିଯାଏ କୌଣସି ସୁଫଳ ମିଳିଲା ନାହିଁ।ଗ୍ରାମବାସୀ ୧୦ % ସରକାରୀ ଦେୟ ଦେବା ପାଇଁ ପ୍ରସ୍ତୁତ ଅଛନ୍ତି । ତା ପରେ ମଧ୍ୟ ଜଙ୍ଗଲ ବିଭାଗର ଖାମ୍ ଖିଆଲି ମନୋଭାବ ଯୋଗୁଁ ଆଜି ପର୍ଯ୍ୟନ୍ତ କୌଣସି ସୁଫଳ ପାଇ ପାରିଲେ ନାହିଁ । ତେଣୁ ଏକ ଲିଖିତ ପତ୍ର ମାଧ୍ୟମରେ ରୋହିତ କୁମାର ସାହୁ, ଜଗବନ୍ଧୁ ଦଲେଇ ଓ ଗ୍ରାମର ସମସ୍ତଙ୍କ ଉପସ୍ଥିତିରେ ଜିଲ୍ଲାପାଳ ସରାଜ କୁମାର ସେଠୀ ଙ୍କୁ ଜଣାଇଥିଲେ । ଆଗାମୀ ଦିନରେ ଯଦି ସମସ୍ୟାର ସମାଧାନ ନହେବ ତେବେ ଜନ ଆନ୍ଦୋଳନ ତିବ୍ରତର ହେବ ବୋଲି କହିଛନ୍ତି ।
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ରିପୋର୍ଟ୍
