ଶୈଳପୁତ୍ରୀ
ସ୍ନିଗ୍ଧ ଶରତ ର ଉଛ୍ୱସିତ ଧରା
ସାରଦ ଗଗନ ଦିଶେ
ନୀଳ ସାଗରରେ ସତେ ଉର୍ମି ମାଳା
ଧବଳ ବଉଦ ଭାସେ
ଧରାବତରଣ ହେଉ ଗୋ ଜନନୀ
ତୁମ ତେଜ ପରକାଶେ
ସ୍ନିଗ୍ଧ ଶରତ ର ଉଛ୍ୱସିତ ଧରା
ସାରଦ ଗଗନ ଦିଶେ…………………
ଶୈଳଜା ଶଇଳ ନନ୍ଦିନୀ ଭବାନୀ
ପ୍ରସୂତୀ କୁମାରୀ କନ୍ୟା
ବାଳସିଲ୍ୟ। କାନ୍ତି ଅଙ୍ଗ ଆଭରଣ
ଦେବୀ ଗୋ ତୁମେ ବରଣ୍ୟ।
ଶୁଭ୍ର ବସ୍ତ୍ର ଅଙ୍ଗ ଦ୍ବିଭୁଜେ ଶୋଭିତ
ଶୂଳ ପଦ୍ମ କର ପାଶେ
ସ୍ନିଗ୍ଧ ଶରତ ର ଉଛ୍ୱସିତ ଧରା
ସାରଦ ଗଗନ ଦିଶେ…………………
ନବଦୁର୍ଗା ଆଦ୍ୟା ଆସମା ସହସି
ଜାତୁଧାନେ କର ନାଶ
ନିଉଛାଳି ଦେବେ କରନ୍ତି ରୋଦନ
ଅଭୟ ମୁରତୀ ହସ
ସେଇ ହସ ହେଉ ବିଦ୍ୟୁତିର ରେଖା
ସବୁ ସୁଖ ଏବେ ଆସେ
ସ୍ନିଗ୍ଧ ଶରତ ର ଉଛ୍ୱସିତ ଧରା
ସାରଦ ଗଗନ ଦିଶେ…………………
ସିତାଂଶୁ ଜେନା
