ଧର୍ମଗଡ-ପବିତ୍ର ମକର ସଂକ୍ରାନ୍ତି ଅବସରରେ ଆଜି ଧର୍ମଗଡ ଶ୍ରୀ ରାଧାକୃଷ୍ଣ ମନ୍ଦିର ପରିସରରେ ଓଡ଼ିଆ ଭଜନ ‘ମୋ କାହ୍ନୁ’ ଲୋକାର୍ପିତ ହୋଇଯାଇଛି।ବରିଷ୍ଠ ସାମ୍ବାଦିକ ଶ୍ରୀ ବିଦ୍ୟାଧର ସାହୁ ମୁଖ୍ୟ ଅତିଥି ଏବଂ ବୈଦ୍ୟନାଥ ବେହେରା ସଂମାନିତ ଅତିଥି ଭାବେ ଯୋଗଦେଇ ଭଜନକୁ ଆନୁଷ୍ଠାନିକ ଭାବେ ଉନ୍ମୋଚନ କରିଥିଲେ। ବିଶିଷ୍ଟ କଣ୍ଠଶିଳ୍ପୀ ପଙ୍କଜ ଜାଲଙ୍କ ସଂଯୋଜନା ଓ ଡାକ୍ତର ସଦାନନ୍ଦ ପାଣିଗ୍ରାହୀଙ୍କ ପ୍ରଯୋଜନା ରେ ନିର୍ମିତ ଏହି ଭଜନକୁ ଅବନା ଭୋଇ ଗୀତରଚନା କରିଥିବା ବେଳେ ଏହାର କଣ୍ଠଦାନ କରିଛନ୍ତି ଚିଦାନନ୍ଦ ପଣ୍ଡା। ସଙ୍ଗୀତ ନିର୍ଦେଶନା ଦେଇଛନ୍ତି ପ୍ରକାଶ ଆନନ୍ଦ। ଅଞ୍ଚଳରେ ଭକ୍ତି ଭାବ ସୃଷ୍ଟି କରିବା ପାଇଁ ଏଭଳି ପ୍ରୟାସ ଜାରି ରହିବ।ଆସନ୍ତା ଶିବରାତ୍ରି ରେ ଶିବ ଙ୍କର ଉପରେ ଏକ ଭଜନ ପ୍ରସ୍ତୁତ କରାଯାଉଛି ବୋଲି ଡାକ୍ତର ସଦାନନ୍ଦ ପାଣିଗ୍ରାହୀ ପ୍ରକାଶ କରିଛନ୍ତି। ଏଥି ସହିତ ପ୍ରଭୁ ଶ୍ରୀକୃଷ୍ଣ ଙ୍କ ଉପରେ ଆଧାରିତ ଏହି ଭଜନ ଜନାଦୃତ ହେବା ଆଶା କରିଛନ୍ତି ।( ଧର୍ମ ଗଡ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ )
