ପାର୍ବଣପୂଜା
ପ୍ରେମଲତା
ପାର୍ବଣରେ ଶକ୍ତି ପୂଜା
କାଶତଣ୍ଡି ଫୁଲସଜା
ଆସ ଆସ ଅବତରୀ ମା
ଦେବୀ ଦଶଭୂଜା।
ଶକ୍ତି ତୁମେ ବହ୍ମମୟୀ
ମାତା ଗୋ ମମତାମୟୀ
ଜୀବପ୍ରାଣେ ଜ୍ଞାନ ଦେଇ
ପାପୀକୁ ବିନାଶୀ ଦେବ ସଜ୍ଜା,
ଆସ ଆସ ମା ଦଶଭୁଜା।
ଯୋଗ ତୁମେ ମହାମାୟୀ
ଅନ୍ଧାରେ ଆଲୋକ ହୋଇ
ଅଜ୍ଞାନରେ ଜ୍ଞାନ ଦେଇ
ଚଉଦିଗେ ଭରିଦିଅ ଉର୍ଜା
ଆସ ଆସ ମା ଦଶଭୁଜା।
ମା ଗୋ ମଂଗଳମୟୀ
ତ୍ରୟମ୍ୱକ ତ୍ରିନୟନୀ
ସତ ରଜ ତମ ଗୁଣୀ
ସର୍ବଭୂତେରେ ସଂସ୍ଥିତା,
ଆସ ଆସ ମା ଦଶଭୁଜା।
ଷଷ୍ଠୀରେ ବେଲବରଣୀ
ସପ୍ତମୀରେ ଆବାହିନୀ
ସନ୍ଧି ପୂଜାର ଅଷ୍ଟମୀ
ନବମୀରେଅର୍ଘ୍ୟର ପୂର୍ଣ୍ଣତା।
ଆସ ଆସ ମା ଦଶଭୁଜା।
ଦଶମୀ ମହିଷାମର୍ଦ୍ଦିନୀ
ଆନନ୍ଦିଧରଣୀ ରାଣୀ
ଦଶହରାରେ ବିସର୍ଜନୀ
ପାର୍ବଣର ତୁମେ ହିଁପ୍ରେରଣା।
ଆସ ଆସ ମା ଦଶଭୁଜା।
