ନୂଆପଡ଼ା ଜିଲ୍ଲା ବୋଡ଼େନ ଥାନା ଅନ୍ତର୍ଗତ ଫରସରା ପଞ୍ଚାୟତ କନକପୁର ଗ୍ରାମର ଜଣେ କଲେଜ ପଢୁଆ ଛାତ୍ରୀ ବେକରେ ଶାଢ଼ୀ ଲଗାଇ ଆତ୍ମହତ୍ୟା କରିଥିବା ଜଣାପଡିଛି ।ସୂଚନା ଅନୁସାରେ କନକପୁର ଗ୍ରାମର ଜଣେ କଲେଜ ପଢୁଆ ଛାତ୍ରୀ କଳ୍ପନା ବକୁଳ (୧୮) ଆଜି ସକାଳ ସମୟରେ ନିଜ ଘରେ କୌଣସି କାରଣ ବଶତଃ ବେକରେ ଶାଢ଼ୀ ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ନିଜ ପରିବାର ଲୋକେ କଳ୍ପନା ଆତ୍ମହତ୍ୟା କରିଥିବା ଜାଣି ସାଙ୍ଗେ ସାଙ୍ଗେ ବୋଡ଼େନ ପୋଲିସ କୁ ଜଣାଇଥିଲେ ।ପରେ ବୋଡ଼େନ ପୋଲିସ ଘଟଣା ସ୍ଥଳରେ ପହଞ୍ଚି ପରିବାର ଲୋକଙ୍କୁ ପଚରା ଉଚରା କରି ଝୁଲନ୍ତା ଶବ ଉଦ୍ଧାର ପୂର୍ବକ ଶବ ବ୍ୟବଚ୍ଛେଦ ପାଇଁ ପଠାଇଥିଲେ ।ପରିବାର ଲୋକଙ୍କୁ ଆତ୍ମହାତ୍ୟା ର ପ୍ରକୃତ କାରଣ ବିଷୟରେ ପଚାରିବାରୁ ତାଙ୍କ କିଛି ମନୋମାଲିନ୍ୟ ହୋଇନଥିଲା ତଥା ସବୁଦିନ ଭଳି ସ୍ଵାଭାବିକ ଭାବରେ ସେ ଖାଇପିଇ ନିଜ ମାଁଙ୍କ ସହିତ ସୋଇଥିଲେ ପରେ ସକାଳ ସମୟ କାହିଁକି ଏଭଳି କାମ କଲା ଆମେ ଜାଣିପାରୁ ନାହୁଁ ବୋଲି ଜଣାଇଥିଲେ ।ଅନ୍ୟ ପଟରେ ବୋଡ଼େନ ଥାନା ଅଧିକାରୀ ସୁଦର୍ଶନ ନାୟକ ଏହାର କାରଣ ଅସ୍ପଷ୍ଟ ଥିବାରୁ ତଦନ୍ତ ପ୍ରକ୍ରିୟା ଜାରି ରହିଥିବା ପ୍ରକାଶ କରିଛନ୍ତି । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
