ଜଣାଣ

ମାନଗୋବିନ୍ଦ ସ୍ବାଇଁ

ସବୁ କହି ଦେଲି କିଛି ନାହିଁ ବାକି

     ଅନ୍ତର ଯେତେକ କଥା

ଭଲରେ ବୁଝିବ ଭଲରେ ଶୁଣିବ

  ଜନତାଙ୍କ ଦୁଃଖ ବ୍ୟଥା।

ସରବେ ରହିବା ସରବେ ଚଳିବା

     ପ୍ରଭୁ ଦେଖା ଆମ ପଥ

ସେହି ପଥ ଧରି ଆଗକୁ ଆଗେଇ

    ବତାଇ ଦିଅ ସୁପଥ।

ଦେଇ ହାତ ଗୋଡ଼ ଘଟି କରି କାମ

     ଖୁସିରେ କରୁ ଆହାର

ବସି ରହି ଗଲେ କିଏ ଦେବ ନାହିଁ

    ଭୋକରେ ହବ ଚିତ୍କାର।

କରମ ହେଉଛି ଜୀବନର ହରି

     ସୁସ୍ଥ ସବଳ ପ୍ରହରୀ 

ସଦାକାଳେ ଧନ୍ଦା କେବେନୁହେଁ ମାନ୍ଦା

     ପ୍ରଭୁଙ୍କ ସେତ ପୂଜାରୀ।

କର୍ମ କରି ଧର୍ମ କରି ଉପାଦାନ

    ଆନନ୍ଦ ପାଉଛି ମନ

ଖୁସିରେ ଚଳୁଛି ଶାନ୍ତିରେ ରହୁଛି

     ପ୍ରଭୁଙ୍କୁ କରି ସ୍ମରଣ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା