କୋକସରା,୧।୨- କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ କୋକସରା ଥାନା ଜୟନ୍ତପୁର ପଞ୍ଚାୟତ ଅନ୍ତର୍ଗତ ରଇନଗୁଡା ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ସୁରେନ୍ଦ୍ରୀ ମାଝୀ ନାମ୍ନୀ ଜଣେ ୮୪ ବର୍ଷୀୟ ମହିଳା ନିଆଁ ପୋଡି ଜୀବନ୍ତ ଦଗ୍ଧ ହୋଇ ଥିବା ଦେଖାଦେଇଛି। ସୂଚନା ମତେ ମହିଳା ଜଣକ ନିଜ କୋଠରୀ ଭିତରେ ଖଟ ରେ ଶୋଇଥିବା ଅବସ୍ଥାରେ ନିଜ କପଡା ରେ ନିଆ ଲାଗିଯାଇଥିଲା । ବୃଦ୍ଧା ଜଣକ ଶୀତ ଦାଉ ରୁ ରକ୍ଷା ପାଇବାକୁ ଶୋଇଥିବା ଖଟ ତଳରେ ନିଆଁ ରଖିଥିଲେ । କୌଣସି କାରଣ ବଶତଃ ନିଜ ଗୋଡେଇ ହୋଇଥିବା କମଳ ରେ ନିଆଁ ଲାଗି ଦଗ୍ଧ ହୋଇ ଯାଇଥିବା ପରିବାର ଲୋକ ପ୍ରକାଶ କରିଛନ୍ତି। ଖବର ପାଇ କୋକସରା ପୋଲିସ ଘଟଣା ସ୍ଥଳରେ ଆସି ଶବ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ କୋକସରା ଡାକ୍ତର ଖାନା ପଠାଇବା ସହ ଅଧିକ ତଦନ୍ତ ଆରମ୍ଭ କରିଛି। ଏନେଇ କୋକସରା ଥାନା ଏ ଏସ ଆଇ ଭରତ ଲାଲ ଅହୀର ଙ୍କୁ ପଚାରିବାରୁ ପ୍ରାଥମିକ ଭାବେ ନିଆଁ ରେ ପୋଡି ମୃତ୍ୟୁ ହୋଇଥିବା ଜଣାପଡିଛି ଶବ ବ୍ୟବଚ୍ଛେଦ ରିପୋର୍ଟ ଆସିଲେ ପ୍ରକୃତ ଘଟଣା ଜଣାପଡିବ ବୋଳି କହିଛନ୍ତି। ଏ ନେଇ କୋକସରା ଥାନା କେଶ ନମ୍ବର ୩/୨୦୨୨ରେ ଏକ ଅପମୃତ୍ୟ ମାମଲା ରୁଜୁ ହୋଇଥିବା ସୂଚନା ମିଳିଛି।
