ଡ଼ାବୁଗାଁ, ୨୦/୧୨ (ମ.ନି.ସ.)- ନବରଙ୍ଗପୁର ଜିଲ୍ଲା ଡ଼ାବୁଗାଁ ଥାନା ଅଧୀନ ଝରିଗାଁ ବ୍ଲକ ଧାମଣାଗୁଡା ପଂଚାୟତ ଅନ୍ତର୍ଗତ ଖୁଟୁବାଇ ଗ୍ରାମରେ ଘଟିଯାଇଛି ଏକ ଅଭାବନିୟ ଘଟଣା |ଗ୍ରାମର ୮ଜଣ ବ୍ୟକ୍ତି ୨୩ଏକର ଜମିରୁ ୮ଗଦା ଧାନ ଅମଳ କରି ଘର ପାଖରେ ସାଇତି ରଖିଥିଲେ, ହେଲେ ସୋମବାର ମଧ୍ୟ ରାତ୍ରି ସମୟରେ ଧାନଗଦା ରେ କୌଣସି କାରଣ ବଶତଃ ନିଆଁ ଲାଗିଯାଇଥିଲା | 
ସୂଚନା ପ୍ରକାରେ ଖୁଟୁବାଇ ଗ୍ରାମର ଦୀନବନ୍ଧୁ ଗୌଡ଼, ଜୟମଣୀ ଗୌଡ଼, କରୁଣା ଗୌଡ , ବୈକୁଣ୍ଠ ଗୌଡ଼ ବୁଟୁ ଗୌଡ଼ , କେଶବ ଗୌଡ , ସେବତୀ ଗୌଡ ଓ କହ୍ନେଇ ଗୌଡ ନିଜ ନିଜ ଜମିରୁ ଧାନ ସବୁ କାଟିଆଣି ଘର ପାଖରେ ଗଦା କରି ରଖିଥିଲେ |ଦୁଃର୍ଭାଗ୍ୟ ବଶତଃ କୌଣସି ସୂତ୍ରରୁ ଧାନ ଗଦା ରେ ନିଆଁ ଲାଗି ଯାଇଥିଲା | 
ଏହାଦେଖି ଗ୍ରାମବାସୀ ନିଆଁ କୁ ଆୟତ କରିବା ନିମନ୍ତେ ଚେଷ୍ଟା କରିଥିଲେ ପରେ ଡ଼ାବୁଗାଁ ଦମକଳ ବାହିନୀ କୁ ଖବର ଦିଆଯାଇଥିଲା ଖବର ପାଇ ରାତ୍ର ପ୍ରାୟ ୧୨ ଘ ସମୟରେ ଦମକଳ ବାହିନୀ ସେଠାରେ ପହଞ୍ଚି ନିଆଁ କୁ ଆୟତ କରିଥିଲେ । ୮ଜଣ ଧାନ ଜମାକାରୀ ଙ୍କ ମଧ୍ୟରେ ଜୟମଣୀ ଅଧିକ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି | ଗ୍ରାମବାସୀ ଓ ଅଗ୍ନିଶମ ବିଭାଗ ର କର୍ମଚାରୀ ମିଶି ନିଆଁ କୁ ଆୟତ କରିବାକୁ ଚେଷ୍ଟା କରି ସଫଳ ହୋଇଥିଲେ । ଏହି ଅଗ୍ନିକାଣ୍ଡ ରେ ମୋଟ ୧ଲକ୍ଷ ୨୦ହଜାର ଟଙ୍କା ର ଧାନ ନଷ୍ଟ ହୋଇଥିବା ସୂଚନା ମିଳିଛି । 
ଡାବୁଗାଁ ଅଗ୍ନିଶମ ବିଭାଗ ର ଏଫ୍ ଏମ୍ ଡି ଉପେନ୍ଦ୍ର ମହାରଣା , ଅଗ୍ନିକ ପ୍ରସନ୍ନ ବିଶ୍ୱାସ , ହିରୋଜ କୁମାର ବେହେରା , ମାନସିଂ ଶବର ଓ ହେମନ୍ତ ମାଝୀ ସେଠାରେ ପହଞ୍ଚି ନିଆଁ କୁ ଆୟତ କରିଥିଲେ ।ଅଗ୍ନିଶମ ବିଭାଗ କୁ ସୂଚନା ଦେଇଥିଲେ |ଅଗ୍ନିଶମ ଗାଡି ଗ୍ରାମ ରେ ପହଂଚି ନିଆଁ କୁ ଆୟତ କରିଥିଲେ | ଜଳି ଯାଇଥିବା ଧାନ ର ପରିମାଣ ଫେରିପାଇବା ଆଶାରେ ଜଗିବସିଛନ୍ତି ଚାଷୀ । ସୂଚନା ଥାଉକି ଜୟମଣି ଯାହାର ୪ ଏକର ଜମିରୁ ଧାନ ସଂଗ୍ରହ ହୋଇ ରହିଥିଲା ସେଥିରେ ମଧ୍ୟ ନିଆଁ ଲାଗିଯାଇଥିଲା । ବହୁ ଚେଷ୍ଟା ପରେ ନିଆଁ ଆୟତ ହୋଇଥିଲା । ଜୟମଣୀ ଜଣେ ବିଧବା ସ୍ତ୍ରୀ ହୋଇଥିବାରୁ ତାଙ୍କୁ ସହାୟତା ପ୍ରଦାନ କରାଯିବା ନେଇ ଗ୍ରାମବାସୀ ଦାବିକରିଛନ୍ତି ।
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
