ନର୍ଲା (ମପ୍ର) କଳାହାଣ୍ଡି ଜିଲ୍ଲା ନର୍ଲା ନିକଟସ୍ଥ ଚପଟଖଣ୍ଡା ଜଙ୍ଗଲରେ ଏକ ଅଚିହ୍ନା ଯୁବକର ଶବ ଗଛ ଡାଳରେ ଝୁଲନ୍ତା ଅବସ୍ଥାରେ ରହିଥିବା ଦେଖିବାକୁ ମିଳିଛି। ଏହି ଚପଟଖଣ୍ଡା ଜଙ୍ଗଲରେ ବର୍ତ୍ତମାନ ହାତୀପଲ ରହି ଆସୁଥିବା ଯୋଗୁଁ କୈାଣସି ଲୋକ ଯାତାୟାତ କରୁ ନ ଥିବା କାରଣରୁ ଉକ୍ତ ଶବକୁ ଚିହ୍ନଟ କରାଯାଇ ପାରିନାହିଁ କି ପୋଲିସ ପାଖରେ ଖବର ପହଞ୍ଚି ପାରି ନାହିଁ। ଯାହା ଫଳରେ ଶବଟି ପଚି ଦୁର୍ଗନ୍ଧ ଅବସ୍ଥାକୁ ଆସିଥିବା ଜଣାଯାଏ। ମୃତ ବ୍ୟକ୍ତିଙ୍କ ବୟସ ୩୫ ରୁ ୪୦ ମଧ୍ୟରେ ହୋଇଥିବା ଅନୁମାନ କରାଯାଉଛି। କୈ।ଣସି ଦୁବୃର୍ତ୍ତ ଯୁବକଙ୍କୁ ମାରି ଗଛ ଡାଳରେ ଝୁଲନ୍ତା ଅବସ୍ଥାରେ ଛାଡ଼ି ଚାଲିଯାଇଥିବା ମଧ୍ୟ ସନ୍ଦେହ କରାଯାଉଛି।ତେବେ ପୋଲିସ ତଦନ୍ତ ପରେ ପ୍ରକୃତ ତଥ୍ୟ ଲୋକଲୋଚନକୁ ଆସିବ ବୋଲି ଆଲୋଚନା ହେଉଛି।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।
