କଷ୍ଟମର ସର୍ଭିସ ପଏଣ୍ଟ ପ୍ଲସରେ ସାମିଲ ଦାବି
ଡାବୁଗାଁ, ୮/୯ (ମ.ନି.ସ.)- ଭାରତୀୟ ଷ୍ଟେଟ ବ୍ୟାଙ୍କ ଦ୍ଵାରା ପରିଚାଳିତ ଗ୍ରାହକ ସେବା କେନ୍ଦ୍ରକୁ କଷ୍ଟମର ସର୍ଭିସ ପଏଣ୍ଟ ପ୍ଲସରେ ସାମିଲ କରିବାକୁ ଦାବି ହୋଇଛି | ନବରଙ୍ଗପୁର ଜିଲା ଡାବୁଗାଁ ବ୍ଲକ ରେ ଥିବା ସମସ୍ତ ଗ୍ରାହକ ସେବା କେନ୍ଦ୍ରର କର୍ମକର୍ତ୍ତା ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଡାବୁଗାଁ ବିଡିଓ ଶରତ ମାଝିଙ୍କୁ ଶୁକ୍ରବାର ଅପରାହ୍ନରେ ପ୍ରଦାନ କରିଛନ୍ତି | ଏହି ଦାବିପତ୍ରରେ ଏହି କର୍ମ କର୍ତ୍ତା କରୋନା ମହାମାରୀ ସମୟରେ ଘର ଘର ବୁଲି ବିଭିନ୍ନ ପ୍ରକାର ବ୍ୟାଙ୍କ ସେବା ଯୋଗାଇଛନ୍ତି | ସେଥି ମଧ୍ୟରୁ ଛାତ୍ରୀଛାତ୍ରଙ୍କ ବୃତ୍ତି, ସାଇକେଲ ଅନୁଦାନ, ମମତା ଯୋଜନା ଅନୁଦାନ, ପରିବାର କଲ୍ୟାଣ ଅନୁଦାନ, କୃଷକଙ୍କ ପାଇଁ ଆସିଥିବା ବିଭିନ୍ନ ଅନୁଦାନ, ବିକୁ ପକ୍କାଘର ଓ ପ୍ରଧାନମନ୍ତ୍ରୀ ଆବାସ ଯୋଜନାର ଅନୁଦାନ, ବାର୍ଦ୍ଧକ୍ୟ/ବିଧବା ଭତ୍ତା ଆଦି ଯୋଗାଇ ଆସିଛନ୍ତି | ବର୍ତ୍ତମାନ ସରକାର ଙ୍କ ପକ୍ଷରୁ ନୂତନ ଗ୍ରାହକ ସେବା କେନ୍ଦ୍ର ପ୍ଲସ ଖୋଲା ଯାଉଛି ଯାହା ଫଳରେ ବହୁତ ବର୍ଷ ଧରି ଗ୍ରାହକ ସେବା କେନ୍ଦ୍ର ଏହି ସେବାରୁ ବଞ୍ଚିତ ରହିବେ | ଏହି ଦାବିପତ୍ର ପ୍ରଦାନ ବେଳେ ଗ୍ରାହକ ସେବା କେନ୍ଦ୍ରର କର୍ମ କର୍ତ୍ତା ଅକ୍ଷୟ ଷଡଙ୍ଗୀ, ଅମ୍ଳାନ ଜ୍ୟୋତି ମାଦଳା, ଶିଲ୍ପା ପଟ୍ଟନାୟକ, ଜୟଚନ୍ଦ୍ର ବିଶୋଇ, ଦିନାତନ ନାୟକ, ନରସିଂ ଭତ୍ରା, ଲିଭିଙ୍ଗ ଷ୍ଟନ, ମହେନ୍ଦ୍ର ପନକା, ଦେବାଶିଷ ଜେନା ଓ ଯଶୋବନ୍ତ ପରିଚ୍ଛା ପ୍ରମୁଖ ଉପସ୍ଥିତ ଥିଲେ |