ଥୁଆମୁଲ ରାମପୁର ଠାରେ ବିଶ୍ୱ ଏଡ୍ସ ଦିବସ ପାଳିତ
ଥୁଆମୁଳ ରାମପୁର-ସ୍ଥାନୀୟ ମା ମାଣିକେଶ୍ବରୀ ପ.ସ. ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ବିଭିନ୍ନ କାର୍ଯ୍ୟକ୍ରମ ସହିତ ବିଶ୍ୱ ଏଡ୍ସ ଦିବସ ପାଳିତ ହୋଇ ଯାଇଛି । ଏହି ଅବସର ରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବକ୍ତୃତା, ପ୍ରବନ୍ଧ, ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହେବା ସହିତ ଏକ ସଚେତନ ଶୋଭାଯାତ୍ରା ସହର ପରିକ୍ରମା କରିଥିଲା ଓ କଲେଜ ସଭାଗୃହ ରେ ଏଡ୍ସ ସମ୍ପର୍କରେ ଏକ ଆଲୋଚନା ସଭା ଅନୁଷ୍ଠିତ ହୋଇଥିଲା ।ଅନୁଷ୍ଠାନ ର ଅଧ୍ୟକ୍ଷ ଶ୍ରୀ ସତ୍ୟ ନାରାୟଣ ମୁଣ୍ଡଛିନା ଏଥିରେ ସଭାପତିତ୍ୱ କରିଥିଲେ ଏବଂ ଡାକ୍ତର ନୀତିଶ କୁମାର ଝା ମୁଖ୍ୟଅତିଥି ଭାବରେ ଯୋଗ 
ଦେଇ ଏଡ୍ସ ର ବିଭିନ୍ନ ଦିଗ ଉପରେ ଆଲୋକପାତ କରିବା ସହିତ ଏହାର ନିରାକରଣ ଓ ସତର୍କତା ସମ୍ପର୍କରେ ବିସ୍ତୃତ ଭାବରେ ଶିକ୍ଷା ପ୍ରଦାନ କରିଥିଲେ । ଏହି ସଭାରେ ଯୁବ ରେଡ଼କ୍ରସ ପରାମର୍ଶଦାତା ଶ୍ରୀ ସରୋଜ କୁମାର ପଟ୍ଟଯୋଶୀ ସମସ୍ତ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଅଧ୍ୟାପକ ବବୃ ବାହାନ ବୁଦ୍ଧିଆ, ଆଲୋଚନା ସଭା ଓ ପୁରସ୍କାର ବିତରଣୀ କାର୍ଯ୍ୟକ୍ରମ ର ପରିଚାଳନା କରିଥିଲେ । ଅଧ୍ୟାପକ ଉଦ୍ଧବ ବାରିକ, ଶେକ ଅଖତର,କ୍ରୀଡା ଶିକ୍ଷକ ଶ୍ରୀ ବନବିହାରି ପରିଡା, ସତ୍ୟନାରାୟଣ ଦାସ, ଆଲୋକ ମୁଣ୍ଡ, ତୁଳସୀରାମ ନାଏକ ପ୍ରମୁଖ କାର୍ଯ୍ୟକ୍ରମ ରେ ସହଯୋଗ କରିଥିଲେ । ବିଜେତା ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ ପରେ ସଭା କାର୍ଯ୍ୟ ଶେଷ ହୋଇଥିଲା।
ବିଦ୍ୟାଧର ସାହୁଙ୍କ ରିପୋର୍ଟ…..
