ଜନଜାଗରଣ ମଞ୍ଚର ମାସିକ ବୈଠକ
ଖଇରା,୨୭/୧୧/୨୫- ବାଲେଶ୍ଵର ଜିଲ୍ଲା ଜଳସେଚନ କାର୍ଯ୍ଯାଳୟ ସମ୍ମୁଖ ଜନଜାଗରଣ ମଞ୍ଚ କାର୍ଯ୍ଯାଳୟ ପରିସରରେ ମଞ୍ଚର ମାସିକ ବୈଠକ ଅନୁଷ୍ଠିତ ହୋଇଯାଇଛି । କାର୍ଯ୍ୟକାରୀ ସଭାପତି ରଶ୍ମିତା ମହାପାତ୍ର ବୈଠକ ପରିଚାଳନା କରିଥିଲେ । ଉକ୍ତ ବୈଠକରେ ରାମକୃଷ୍ଣ ଦାସମହାପାତ୍ର,ଚିନ୍ତାମଣି ସାହାଣୀ,ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀ,ବୁଦ୍ଧିରାମ ପାଣିଗ୍ରାହୀ, ଦେବେନ୍ଦ୍ର କୁମାର ରାଉତ, ଅଭିରାମ ମହାପାତ୍ର, ନରେନ୍ଦ୍ର ପ୍ରସାଦ ବେହେରା, ସମ୍ପାଦକ ନିରଞ୍ଜନ ବେହେରା ଓ କୈଳାସ ପୃଷ୍ଟି ଉପସ୍ଥିତ ଥିଲେ । ପ୍ରଥମେ ପଣ୍ଡିତ ଶ୍ରୀ ପତ୍ରୀଙ୍କ ଶିକ୍ଷଣୀୟ ବିଷୟ ଆଲୋଚନା ପରେ ପରେ ସମ୍ପାଦକ ଶ୍ରୀ ବେହେରା ପୂର୍ବ ବୈଠକର ବିବରଣୀ ପାଠ କରିଥିଲେ । ଏଥିରେ ଖଇରା ଅଞ୍ଚଳର ବିଭିନ୍ନ ସମସ୍ୟା ଓ ତା’ର ସମାଧାନ ବିଷୟରେ ଆଲୋଚନା ହୋଇଥିଲା । ଆଗାମୀ ଦିନରେ କେଉଁ ପନ୍ଥା ଅବଲମ୍ବନ କଲେ ସମସ୍ୟାର ସମାଧାନ ଦିଗରେ ପ୍ରଶାସନ ଯତ୍ନବାନ ହେବ ତାହା ସ୍ଥିର ନିମନ୍ତେ ସମସ୍ତଙ୍କ ମତାମତ ଲୋଡା ଯାଇଥିଲା । ଶେଷରେ ସମସ୍ତଙ୍କ ମତାମତ ପରେ ଉପାୟ ସିଦ୍ଧାନ୍ତ ହୋଇଥିଲା ଯାହା ଆଗାମୀ ବୈଠକ ପରେ ଆରମ୍ଭ ହେବ । ଅଞ୍ଚଳର ଉନ୍ନତି ପାଇଁ ଏକମାତ୍ର ମଞ୍ଚ ଜନଜାଗରଣ ମଞ୍ଚ । ଏହି ମଞ୍ଚ ଦ୍ବାରା ଅତୀତରେ ଅନେକ ସମସ୍ୟା ସମାଧାନ ହୋଇଛି । ବର୍ତ୍ତମାନ ଯେଉଁ ସମସ୍ୟା ରହିଛି ଆଗାମୀ ଦିନରେ କିପରି ତାହା ସମାଧାନ ହେବ ଆଜିର ବୈଠକ ସୂଚନା ଦେଇଛି । ମଞ୍ଚ ତରଫରୁ ନୂଆ ବର୍ଷ କେଉଁଠି ଓ କିପରି ପାଳନ ହେବ ସେଥି ନିମନ୍ତେ ଆଗାମୀ ବୈଠକରେ ସିଦ୍ଧାନ୍ତ କରିବା ପାଇଁ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଥିଲା । ଶେଷରେ ଶ୍ରୀ ଦାସମହାପାତ୍ରଙ୍କ ଧନ୍ୟବାଦ ଅର୍ପଣ ପରେ ବୈଠକ ଶେଷ ହୋଇଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
