ରାଉରକେଲା/ ଆନ୍ତର୍ଜାତିକ ସ୍ତରରେ ରୋଟାରୀ କ୍ଲବ ର ଛାତ୍ର ବିନିମୟ କାର୍ଯ୍ୟକ୍ରମରେ ରୋଟାରୀ କ୍ଲବ ରାଉରକେଲା ସେଣ୍ଟ୍ରାଲ ତରଫରୁ ସାମାଜିକ ପ୍ରତିବଦ୍ଧତା ଦେଖାଇ ଛାତ୍ର ବିନିମୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । 
ଏହି କ୍ରମରେ ବ୍ରାଜିଲର ଛାତ୍ରୀ ଯଶମିନ ଓରଫ ୟାୟା ଏକ ପାଠ୍ୟକ୍ରମ ବର୍ଷ ପାଇଁ ଦିଲ୍ଲୀ ପବ୍ଲିକ୍ ସ୍କୁଲରେ ନାମ ଲେଖାଇଛନ୍ତି। ଏଠାରେ ୟାୟା ଙ୍କ ପ୍ରଥମ ଅଭିଭାବକ ଭାବେ ରୋଟାରୀଆନ ପ୍ରେଜ ବ୍ରଜେଶ ଓ ବରଖା,ଦ୍ଵିତୀୟ ଅଭିଭାବକ ଭାବେ ପିପି ରୋଟାରୀଆନ ଅବଦୁଶ ସଲାମ୍ ଓ ରୁବିନା ଅଛନ୍ତି । 
ୟାୟା ରାୟପୁର ରୁ ଆସି ରାଉରକେଲାରେ ପହଞ୍ଚିବାପରେ ତାଙ୍କୁ ରୋଟାରୀ କ୍ଲବ ରାଉରକେଲା ସେଣ୍ଟ୍ରାଲ ତରଫରୁ ସ୍ବାଗତ କରାଯାଇଥିଲା । ଏହି ଛାତ୍ର ବିନିମୟ କାର୍ଯ୍ୟକ୍ରମରେ ଭାରତର ଛାତ୍ର ମାନେ ବ୍ରାଜିଲ ଯାଇ ପାରିବେ ବୋଲି ପିପି ରୋଟାରୀଆନ ବିଶ୍ବଜିତ ପତି ସୂଚନା ଦେଇଛନ୍ତି । ଏହି ସମସ୍ତ କାର୍ଯ୍ୟ ରୋଟାରୀଆନ ଶ୍ରୀ ପତିଙ୍କ ତତ୍ତ୍ବାବଧାନ ଓ ରୋଟାରୀ ଡିଷ୍ଟ୍ରିକ୍ଟ ୩୨୬୧ ମାଧ୍ୟମରେ କରାଯାଉଛି । ୟାୟା ଏଠାରୁ ଭଲ ଅନୁଭୂତି ନେଇ ବ୍ରାଜିଲ ଫେରିଲେ ଏହା ଭାରତ ଓ ବ୍ରାଜିଲ ମଧ୍ୟରେ ସୁସଂପର୍କ ଦୃଢ ହେବାସହ ବିଦେଶରୁ ଅଧିକ ଛାତ୍ରଛାତ୍ରୀ ଭାରତକୁ ଆସିବାକୁ ଆଗ୍ରହୀ ହେବେବୋଲି କୁହାଯାଉଛି ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
