ମ, ରାମପୁର,୧୩/୫(ମସୀହା) : ପ୍ରେମ ରେ ଅନ୍ଧ ହେଇଥିଲା ଜଣେ ଭିନ୍ନକ୍ଷମ ଆଦିବାସୀ ଯୁବତୀ । ଘର, ପରିବାର, ଜାତି ଛାଡ଼ି ପ୍ରେମିକ ର ହାତ ଧରି ମଥା ରେ ସିନ୍ଦୁର ଲଗେଇ ନୂଆ ଜୀବନ ଆରମ୍ଭ କରିବା ପାଇଁ ସବୁ ପ୍ରକାର ପଦକ୍ଷେପ ନେବାକୁ ରାଜି ଥିଲା । ହେଲେ କିଏ ଜାଣିଥିଲା, ପ୍ରେମିକ ପ୍ରେମ ପାଇଁ ନୁହେଁ,, ଦେହ ଭୋଗ ପାଇଁ ତାକୁ ମିଛ ପ୍ରେମ କରୁଥିଲା । ପ୍ରେମ ରେ ପ୍ରତାରଣା କରି ଶେଷକୁ ଜେଲ୍ ଯିବାକୁ ପଡ଼ିଛି ଯୁବକ ଙ୍କୁ । ସୂଚନା ମୁତାବକ, କଳାହାଣ୍ଡି ଜିଲ୍ଲା ମ, ରାମପୁର ଥାନା ଅନ୍ତର୍ଗତ ବାରବନ୍ଧା ଗ୍ରାମ ପଞ୍ଚାୟତ ର ଗୁନାଙ୍ଗବେଡ଼ା ଗ୍ରାମ ର ଯୁବକ ହେମନ୍ତ ଔରଫ୍ ଅଜିତ୍ କୁମାର ସାହୁ ନିକଟସ୍ଥ ବାଲବେଡା ଗ୍ରାମ ର ଜଣେ ଅନ୍ୟଜାତି ର ଭିନ୍ନକ୍ଷମ ଯୁବତୀକୁ ପ୍ରେମ କରୁଥିଲା । ଦୁହେଁ କିଛି ଦିନ ଘରୁ ପଳାଇ ଅନ୍ୟତ୍ର ରହିବା ପରେ ଉକ୍ତ ପ୍ରେମିକ ଯୁବକ ଯୁବତୀଙ୍କୁ ଛାଡି ଦେଇଥିଲା । ଯୁବତୀ ଜଣକ ହତାଶ ହେବା ପରେ ଥାନା ରେ ଲିଖିତ ଅଭିଯୋଗ କରିଥିଲା । କେସ ନମ୍ବର ୧୧୪/୨୨ ରେ ଏକ ମାମଲା ରୁଜୁ କରି ପୁଲିସ୍ ଅଭିଯୁକ୍ତ ଯୁବକ କୁ ଠାବ କରି ଆଜି କୋର୍ଟ ଚାଲାଣ କରିଥିବା ଜଣାପଡିଛି । ଏହି ମାମଲା ନର୍ଲା ଡିଏସପି ରେଣୁକା ସୁନାଙ୍କ ତତ୍ୱବଧାନରେ ମ,ରାମପୁର ଥାନାଧିକାରୀ ସଚିନ୍ଦ୍ର ପ୍ରଧାନ, ଏସ୍ଆଇ ଜୟଦେବ ତାରିଣୀ ଙ୍କ ସହଯୋଗ ରେ ଚାଲିଥିଲା ।
ମ.ରାମପୁର ରୁ ପରମାନନ୍ଦ ବିଶିଙ୍କ ରିପୋର୍ଟ l
