ଝରିଗାଁ ୨୩/୭ – ଚଳିତ ବର୍ଷ ସିବିଏସ୍ଇ ଦଶମ ପରୀକ୍ଷାରେ ପଛରେ ପକାଇ ଛାତ୍ରୀଙ୍କ ବଜୀମାତ୍ ରହିଥିବା ଦେଖାଦେଇଛି l ନବରଙ୍ଗପୁର ଜିଲ୍ଲା ଝରିଗାଁ ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟରେ ମୋଟ ୭୫ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ବିଦ୍ୟାଳୟର ଶତ ପ୍ରତିଶତ ସଫଳତା ହେଇଛି l ସେଥିମଧ୍ୟରୁ ତିନି ଜଣ ଛାତ୍ରୀ ୯୦%ରୁ ଅଧିକ ମାର୍କ ରଖଥିବା ବେଳେ ସର୍ବନିମ୍ନ ୪୪% ମାର୍କ ରଖିଛନ୍ତି l
ସୂଚନା ଯୋଗ୍ୟଯେ କଲେଗାଁ ସ୍ଥିତ ନିରଂଜନ ମହାନ୍ତିଙ୍କ ଝିଅ ଗାୟତ୍ରୀ ଶୁଭସ୍ମିତା ମହାନ୍ତି ୯୬% ମାର୍କ ରଖି ବିଦ୍ୟାଳୟରେ ଟପର ହୋଇଛନ୍ତି l ନବରଙ୍ଗପୁର ଜିଲ୍ଲାରେ ରହିଥିବା ସମସ୍ତ ଆଦର୍ଶ ବିଦ୍ୟାଳୟରେ ଦ୍ୱିତୀୟ ସ୍ଥାନରେ ରହିଛନ୍ତି l ସେହିପରି ଝରିଗାଁ ସ୍ଥିତ ବିପିନ ବିହାରୀ ନାୟକଙ୍କ ଝିଅ ବିଶ୍ବରୁପା ନାୟକ ୯୩.୮%, ଏବଂ ବଡଟେମେରା ଗ୍ରାମର ମନୋଜ ଗୁପ୍ତାଙ୍କ ଝିଅ ଜ୍ୟୋତି କୁମାରୀ ଗୁପ୍ତା ୯୨.୨% ମାର୍କ ରଖିଛନ୍ତି l କରୋନା ମହାମାରୀ ଯୋଗୁଁ ଦୀର୍ଘଦିନ ଧରି ବିଦ୍ୟାଳୟରେ ପାଠପଢା ବନ୍ଦ ରହି ଥିବା ସତ୍ବେ ସେମାନେ ଦୈନିକ ୧୦ରୁ ୧୨ଘଣ୍ଟା ପରିଶ୍ରମ କରି ଏହି ସଫଳତା ହାସଲ କରିଥିବା ପ୍ରକାଶ କରିଛନ୍ତି l ଗାୟତ୍ରୀ ବିଦ୍ୟାଳୟରେ ପ୍ରଥମ ସ୍ଥାନରେ ରହିଥିବା ବେଳେ ବିଶ୍ଵରୂପା ଦ୍ୱିତୀୟ ଏବଂ ଜ୍ୟୋତି ତୃତୀୟ ସ୍ଥାନରେ ରେ ରହିଥିବା ନେଇ ବିଦ୍ୟାଳର ଭାପ୍ରାପ୍ତ ପ୍ରିନ୍ସିପଲ୍ ରାଜୁ ହରିଜନ ସୂଚନା ଦେଇଛନ୍ତି l ଭବିଷ୍ୟତରେ ଗାୟତ୍ରୀ ଆଇଆଇଟି ସିଭିଲ ଇଂଜିନିୟର ଓ ବିଶ୍ଵରୂପା ଡାକ୍ତର ହୋଇ ଲୋକଙ୍କୁ ସେବା କରିବା ଲକ୍ଷ ରଖିଛନ୍ତି ବୋଲି ପ୍ରକାଶ କରିଛନ୍ତି l
ଝରିଗାଁ ରୁ କିଶୋର ଚନ୍ଦ୍ର ମଣ୍ଡଳ ଙ୍କ ରିପୋର୍ଟ
