ଶ୍ରୀ ରତିକାନ୍ତ ବେହେରା(ପ୍ର.ଶି.)

 

ନାମଟି ରଞ୍ଜନ..ପଢେ ଭଲ ପାଠ

     ବୁଲିବାରେ ନାହିଁ ମନ l

ସାଙ୍ଗସାଥି ତାଙ୍କୁ..ରାଗନ୍ତି ବହୁତ

     ପଢେ ବୋଲି ରାତିଦିନ l 1

 

ସବୁସାଙ୍ଗ ତାର..ବୁଲନ୍ତି ସର୍ବଦା

      କେବେ ପଢ଼ନ୍ତିନି ପାଠ l

ବହୁତ ରାଗନ୍ତି..ସଭିଏଁ କହନ୍ତି

     ଏ ଦଳଟା ଭାରି ଦୁଷ୍ଟ l 2

 

ରାତିଦିନ ଚାଲେ..ଫ୍ରିଫାୟାର ଖେଳ

     ସେ ଖେଳ ହେଲାଣି ନିଶା l

ସେ ନିଶାରୁ ମୁକ୍ତି..ମିଳିବ କି ନାହିଁ

    ପାଉନି ଜମା ଭରଷା l 3

 

ମନା କରି କରି..ବିରକ୍ତ ହେଲେଣି

     ମାନୁ ନାହିଁ ପିଲା ଜମା l

ଏମିତିକା ନିଶା..ବୁଝାଇ ହେବନି

    ଆସିଲେ ବି ସ୍ୱୟଂବ୍ରହ୍ମା l 4

 

ରଞ୍ଜନଟା ଏବେ..ନିଟ୍ ପାଇଗଲା

     ପଢୁଛି ଡାକ୍ତରୀ ପାଠ l

ଫ୍ରିଫାୟାର ଵାଲା..ପାଠ ଘର ଶୂନ

    ପୁରା ହୋଇଗଲେ ନଷ୍ଟ l 5

 

ଗ୍ରା/ପୋ:କୋଚିଳାଖୁଣ୍ଟା

ଭାୟା:ବେତନଟୀ 757025

ଜିଲ୍ଲା:ମୟୁରଭଞ୍ଜ,ଓଡିଶା