କୋକସରା,୧୯ା୧- : ପଦ୍ମ ଛାଡି ଶଙ୍ଖ ଫୁଙ୍କିଲେ କଳାହାଣ୍ଡି ଜିଲ୍ଲା କୋକସରା ବ୍ଲକ ର ବିଜେପି ର ବରିଷ୍ଠ ନେତା ତ୍ରିନାଥ ବାଗ । ବୁଧବାର ଧର୍ମଗଡ ବିଧାୟକ ମୌଷଧି ବାଗ ଙ୍କ କୋକସରା ବ୍ଲକ ମାଝୀଗୁଡା ସ୍ଥିତ ବାସଭବନ ରେ ନିଜର ସମର୍ଥକଙ୍କ ଗହଣ ରେ ବିଜେଡି ଦଳ ରେ ସାମିଲ ହୋଇଛନ୍ତି । ପୂର୍ବରୁ ସେ କୋକସରା ବ୍ଲକ ବିଜେପି ମଣ୍ଡଳ ସଭାପତି ସହ ଅନ୍ୟ ପଦ ପଦବୀ ରେ ରହି ଦଳ ପ୍ରତି ନିଜର ଆନୁଗତ୍ୟ ରଖିଥିଲେ । ଆସନ୍ତା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ କୋକସରା ଜୋନ ୨ ଜିଲ୍ଲା ପରିଷଦ ଆସନ ପାଇଁ ସେ ବିଜେପି ପକ୍ଷରୁ ପ୍ରାର୍ଥୀ ଆଶାୟୀ ରହିଥିଲେ । ତେବେ ଦଳୀୟ ଟିକେଟ ନ ମିଳିବାରୁ ସେ ଅସନ୍ତୋଷ ପ୍ରକାଶ କରି ବୁଧବାର ବିଜେପି ଛାଡି ନିଜ ସମର୍ଥକ ଙ୍କ ସହ ବିଜେଡି ର ହାତ ଧରିଛନ୍ତି । ଏହି ମିଶ୍ରଣ ପର୍ବ ଅବସରରେ ବିଧାୟକ ଙ୍କ ସହ ବ୍ଲକ ବିଜେଡି ସଭାପତି ସୁଶାନ୍ତ କୁମାର ବେହେରା, ଯାଦବ ସମାଜ ସଭାପତି ବିନୋଦ ବିହାରି ରାଉତ, ବିଧାୟକ ପ୍ରତିନିଧି ମାନସ ରଞ୍ଜନ ବାଗ, ପୂର୍ବତନ ବ୍ଲକ ଅଧ୍ୟକ୍ଷ ଧର୍ମଗଡ ବଳରାମ ପୁଝାରି, ବ୍ଲକ ସମ୍ପାଦକ ପଞ୍ଚକ ପୋଡ଼, ଅଜୟ କୁମାର ସାହୁ, ମହେଶ ଗୁପ୍ତା, ହେମନ୍ତ ବାଣୁଆ, ଗୌର ବାଗ, ବିଶ୍ୱନାଥ ପଟ୍ଟନାୟକ, ଶଙ୍କର ଜୁଏଡ଼ ପ୍ରମୁଖ ବିଜେଡି ର କର୍ମକର୍ତ୍ତା ଉପସ୍ଥିତ ରହିଥିଲେ । ମ ନି ସ
