ରାଉରକେଲା/ ଇସ୍ପାତ ସେଣ୍ଟ୍ରାଲ ମାର୍କେଟଠାରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ କରୋନା ନିୟମ ଅନୁଯାୟୀ ପାଳନ କରାଯାଇଛି। କବି ଆର୍ତ୍ତତ୍ରାଣ ମହାପାତ୍ରଙ୍କ ସଭାପତିତ୍ବ ଓ ବଣିକସଂଘର ସାଧାରଣ ସଂପାଦକ ମୁରଲିଧର ମିଶ୍ରଙ୍କ ଆବାହକତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ପୁଲିସ ଅଧିକାରୀ ଡଃ ସୁମନ ଦତ୍ତ ମୁଖ୍ୟ ଅତିଥି ଭାବେ ଯୋଗ ଦେଇ ନେତାଜୀଙ୍କ ଗୁଣାବଳୀ ଓ ସଂଘର୍ଷମୟ ଜୀବନ ଉପରେ ଆଲୋଚନା କରିଥିଲେ। ଶ୍ରୀ ଦତ୍ତ କହିଥିଲେଯେ ମହାତ୍ମାଗାନ୍ଧୀ ନେତାଜୀଙ୍କୁ ଦେଶ ଭକ୍ତ ଯୁବରାଜ ପଦରେ ଆଭୂଷିତ କରିଥିଲେ ହେଁ ଏହି ଯୁବରାଜ ସ୍ବାଧୀନ ଭାରତର ସନ୍ତାନ ହେବାକୁ ଉପଲବ୍ଧ ହେଲେ ନାହିଁ ସିନା କିନ୍ତୁ ଦେଶବାସୀଙ୍କ ହୃଦୟରେ ମୁକୁଟବିହୀନ ସମ୍ରାଟ ହୋଇ ଅମରତ୍ବ ଲାଭ କଲେ। ଯଦି ଆମେ ସମସ୍ତେ ନ୍ୟସ୍ତସ୍ବାର୍ଥକୁ ଭୁଲି ଦେଶ,ସମାଜ ପାଇଁ ପ୍ରାଣବଳି ଦେଇପାରିବା ତେବେ ନେତାଜୀଙ୍କ ସ୍ବପ୍ନ ସାକାର ହୋଇପାରିବ। ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ବିଜୟ ତ୍ରିପାଠୀ, ଡି.କେ.ଆନନ୍ଦ, ଅଶୋକ ପଣ୍ଡା, ପ୍ରଦୀପ କୁମାର ମିଶ୍ର, ରାଜୁ ନାୟକ, ଦୀନବନ୍ଧୁ ନାହାକ,ସୁକାନ୍ତ କୁମାର ଦାସ ପ୍ରମୁଖ ଉପସ୍ଥିତ ଥିଲାବେଳେ ଶେଷରେ ସାଧାରଣ ସଂପାଦକ ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ। କୁଞ୍ଜ ବିହାରି ରାଉତ ଙ୍କ ରିପୋର୍ଟ
